ന്യൂഡെല്ഹി: കോവിഡ് പ്രതിരോധവുമായി ബന്ധപ്പെട്ട വിഷയങ്ങളിൽ ഒരു തരത്തിലുള്ള രാഷ്ട്രീയവും കലര്ത്തരുതെന്ന് ഡെല്ഹി സര്ക്കാരിനോട് സുപ്രീം കോടതി.
ഡെല്ഹി സര്ക്കാര് കേന്ദ്രവുമായി സഹകരണ സമീപനം സ്വീകരിക്കണമെന്നും ഈ സമയത്ത് ഒരുതരത്തിലുമുള്ള രാഷ്ട്രീയ കലഹവും ഉണ്ടാക്കരുതെന്നും കോടതി പറഞ്ഞു. ‘രാഷ്ട്രീയം തിരഞ്ഞെടുപ്പ് സമയത്തിനുള്ളതാണ്. ഇപ്പോള് പൗരൻമാരുടെ ജീവന് അപകടത്തിലാണ്. ഞങ്ങള്ക്ക് സഹകരണം ആവശ്യമാണ്’, സുപ്രീം കോടതി ബെഞ്ച് വ്യക്തമാക്കി.
ഡെല്ഹിയോട് കേന്ദ്രസര്ക്കാരിന് പ്രത്യേക ഉത്തരവാദിത്തം ഉണ്ടായിരിക്കണം എന്നും കോടതി ആവശ്യപ്പെട്ടു. രാജ്യത്തെ കോവിഡ് വ്യാപനവുമായി ബന്ധപ്പെട്ട് സ്വമേധയാ എടുത്ത കേസ് പരിഗണിക്കവെ ആയിരുന്നു സുപ്രീം കോടതിയുടെ പരാമർശം.
Read also: മുതിർന്ന മാദ്ധ്യമ പ്രവർത്തകൻ രോഹിത് സർദാന അന്തരിച്ചു