കൊച്ചി: കേരള കോൺഗ്രസ് (എം) ജോസഫ് വിഭാഗം എന്ന പേര് പിജെ ജോസഫിന് ഉപയോഗിക്കാൻ കഴിയില്ലെന്ന് ഹൈക്കോടതി. കേരള കോൺഗ്രസ് (എം) ജോസഫ് വിഭാഗം എന്ന പേരിൽ ചെണ്ട പൊതു ചിഹ്നമായി അനുവദിച്ച് തരണമെന്ന് പിജെ ജോസഫിന്റെ ഹരജി ഹൈക്കോടതി സ്വീകരിച്ചിരുന്നു.
Also Read: സ്പീക്കർക്ക് എതിരെ സമഗ്ര അന്വേഷണം വേണം; ചെന്നിത്തല കത്ത് നൽകി
എന്നാൽ, ഇതിന് പിന്നാലെ ഹൈക്കോടതി ഉത്തരവിനെ ചോദ്യം ചെയ്തുകൊണ്ട് ജോസ് കെ മാണി വിഭാഗം ഇതേ ബെഞ്ചിൽ തന്നെ ഹരജി നൽകിയിരുന്നു. ഇതിൽ വ്യക്തത വരുത്തിയാണ് ഹൈക്കോടതിയുടെ തിരുത്ത്. കേരള കോൺഗ്രസ് (എം) എന്ന പേര് തിരഞ്ഞെടുപ്പ് കമ്മീഷൻ തങ്ങൾക്കാണ് അനുവദിച്ച് തന്നത് എന്ന ജോസ് വിഭാഗത്തിന്റെ വാദം കോടതി അംഗീകരിച്ചു. ചിഹ്നത്തിന് പിന്നാലെ പേരും ജോസ് വിഭാഗത്തിന് സ്വന്തമായതോടെ ജോസഫ് വിഭാഗം പ്രതിസന്ധിയിലാണ്. അതേസമയം, ചെണ്ട പൊതുചിഹ്നമായി ഉപയോഗിക്കുന്നതിൽ ജോസഫ് വിഭാഗത്തിന് തടസമില്ല.