കാസർഗോഡ്: കേരളത്തിലും കർണാടകയിലും ഒമൈക്രോൺ സാന്നിധ്യം റിപ്പോർട് ചെയ്ത സാഹചര്യത്തിൽ കാസർഗോഡ് ജില്ലയിലെ ഉദുമ പഞ്ചായത്തിൽ പ്രതിരോധ പ്രവർത്തനങ്ങൾ കർശനമാക്കി. ഇതിന്റെ ഭാഗമായി വാർഡുതല ജാഗ്രതാ സമിതികൾ വിളിച്ചു ചേർക്കാനും കോവിഡ് പ്രതിരോധ പ്രവർത്തനങ്ങൾ ഊർജിതമാക്കാനും പഞ്ചായത്തുതല കോർകമ്മിറ്റി യോഗത്തിൽ തീരുമാനിച്ചു.
ഒരു ഡോസ് വാക്സിൻ എടുത്തവർക്ക് മാത്രമേ ഇനിമുതൽ പഞ്ചായത്ത് പരിധിയിലെ സൂപ്പർമാർക്കറ്റുകൾ, ധനകാര്യ സ്ഥാപനങ്ങൾ, സർക്കാർ ഓഫിസുകൾ, പൊതുമേഖലാ സ്ഥാപനങ്ങൾ എന്നിവിടങ്ങളിൽ പ്രവേശനം അനുവദിക്കുകയുള്ളു. പൊതുസ്ഥലങ്ങളിൽ കോവിഡ് മാനദണ്ഡങ്ങൾ കർശനമായി പാലിക്കുന്നതിന് സ്ഥാപന ഉടമകൾക്ക് നിർദ്ദേശം നൽകി.
കൂടാതെ, പൊതുസ്ഥലങ്ങളിൽ ബോധവൽക്കരണ പരിപാടികൾ ആരംഭിക്കാനും തീരുമാനിച്ചിട്ടുണ്ട്. രണ്ടാം ഡോസ് എടുക്കുന്നത് കാലാവധി കഴിഞ്ഞവർക്ക് അടിയന്തിരമായി വാക്സിൻ നൽകുന്നതിനും, ഒരു ഡാസ് പോലും എടുക്കാത്തവർക്ക് ഉടൻ വാക്സിൻ നൽകുന്നതിനും നടപടി സ്വീകരിക്കും.
Most Read: സിബിഎസ്ഇ പരീക്ഷാ പരിഷ്കരണം; വിദ്യാർഥികൾ കോടതിയിലേക്ക്