പൊന്നാനി: പെട്രോൾ, ഡീസൽ, പാചകവാതകം എന്നിവയുടെ വിലവർധനക്കെതിരെ കേരള പ്രദേശ് കോൺഗ്രസ് കമ്മിറ്റിയുടെ ആഹ്വാനപ്രകാരം കോൺഗ്രസ് പ്രവർത്തകർ സംസ്ഥാന വ്യാപകമായി നടത്തുന്ന ഒപ്പുശേഖരണ പ്രതിഷേധത്തിൽ ഭാഗമായി ഈഴുവതിരുത്തി കോൺഗ്രസ് മണ്ഡലം കമ്മിറ്റി പ്രവർത്തകരും.
കേന്ദ്ര സംസ്ഥാന സർക്കാറുകളുടെ അമിത നികുതി മൂലം വിലയിലുണ്ടാകുന്ന അമിതവർധനയിൽ പ്രതിഷേധിച്ച് നടത്തിയ ഒപ്പുശേഖരണം മണ്ഡലത്തിലെ മുഴുവൻ പെട്രോൾ പമ്പുകളിലും സംഘടിപ്പിച്ചു.
കോവിഡ് മാനദണ്ഡങ്ങൾ പൂർണമായും പാലിച്ചുകൊണ്ട് നടത്തിയ ഒപ്പു ശേഖരണ സമരം കെപിസിസി അംഗം അഡ്വക്കേറ്റ് കെ ശിവരാമൻ ഉൽഘാടനം ചെയ്തു. ഈഴുവതിരുത്തി മണ്ഡലം കോൺഗ്രസ് കമ്മിറ്റി പ്രസിഡണ്ട് നബീൽ നൈതല്ലൂർ അധ്യക്ഷത വഹിച്ച പരിപാടിയിൽ സി ജോസഫ് മുഖ്യ പ്രഭാഷണം നിർവഹിച്ചു.
എൻഎ ജോസഫ്, ജെപി വേലായുധൻ, സന്തോഷ് ടികെ, സി ജാഫർ, പിടി നാസർ, എവി പ്രശാന്ത്, ആർവി മുത്തു, ഊരത്ത് രവി, പ്രവിത സതീശൻ, വിബീഷ് ചന്ദ്രൻ, കെവി സജീർ, ഷാജിമോൻ കറുകതിരുത്തി, സക്കീർ കുറ്റിക്കാട് എന്നിവർ ഒപ്പു ശേഖരണ സമര പരിപാടിയിൽ പങ്കെടുത്തു.
Most Read: മാദ്ധ്യമങ്ങളെ പാർട്ടി നിയന്ത്രിക്കും; തമിഴ്നാട് ബിജെപി അധ്യക്ഷന്റെ പ്രസ്താവന വിവാദത്തിൽ