തിരുവനന്തപുരം: 2021ലെ ഖേൽരത്ന പുരസ്കാരത്തിന് മലയാളിയും ഇന്ത്യൻ ഹോക്കി ടീം മുൻ ക്യാപ്റ്റനുമായ പിആർ ശ്രീജേഷിനെ ശുപാർശ ചെയ്തു. ശ്രീജേഷ് ഉൾപ്പടെ 11 താരങ്ങളെയാണ് പുരസ്കാരത്തിന് ശുപാർശ ചെയ്തിരിക്കുന്നത്.
ഇന്ത്യൻ ഫുടബോൾ താരം സുനിൽ ഛേത്രിയുടെ പേരും പട്ടികയിൽ ഉൾപ്പെടുത്തിയിട്ടുണ്ട്. കൂടാതെ ഇത്തവണ നടന്ന ഒളിമ്പിക്സ്, പാരാലിമ്പിക്സ് മൽസരങ്ങളിൽ മെഡൽ നേടിയ താരങ്ങളും പട്ടികയിൽ ശുപാർശ ചെയ്യപ്പെട്ടിട്ടുണ്ട്.
ഒളിമ്പിക്സിൽ ചരിത്രത്തിലാദ്യമായി ഇന്ത്യയ്ക്ക് മെഡൽ സമ്മാനിച്ച നീരജ് ചോപ്ര, രവി ദഹിയ, ബോക്സിങ്ങിൽ മെഡൽ നേടിയ ലോവ്ലീന ബോർഗോഹൈൻ, മിതാലി രാജ്, പ്രമോദ് ഭഗത്, സുമിത് അംഗുൽ, അവ്നി ലേഖ്ര, കൃഷ്ണ നാഗർ എന്നീ താരങ്ങളുടെ പേരും പരിഗണനയിലുണ്ട്.
Read also: ലഹരിമരുന്ന് കേസ്; ആര്യന് ഖാന് ഇന്നും ജാമ്യമില്ല