യുപി: ലളിത്പൂരിൽ കുഴഞ്ഞു വീണു മരിച്ച കർഷകരുടെ കുടുംബങ്ങളെ സന്ദർശിച്ച് എഐസിസി ജനറൽ സെക്രട്ടറി പ്രിയങ്ക ഗാന്ധി. രാസവളം വാങ്ങാൻ വരി നിൽക്കവെയാണ് കർഷകർ കുഴഞ്ഞു വീണത്. കർഷകർക്ക് എല്ലാ പിന്തുണയും വാഗ്ദാനം ചെയ്ത പ്രിയങ്ക ബുന്ദേൽഖണ്ഡ് മേഖലയിൽ കടുത്ത രാസവളക്ഷാമം നേരിടുകയാണെന്നും പറഞ്ഞു.
മധ്യപ്രദേശിൽ രാസവള പ്രതിസന്ധിയെ തുടർന്ന് 45കാരനായ കർഷകൻ വിഷം കഴിച്ച് ആത്മഹത്യ ചെയ്തിരുന്നു. അശോക് നഗർ ജില്ലയിലെ പാപ്രോൽ ഗ്രാമത്തിലെ ധൻപാൽ യാദവാണ് മരിച്ചത്. വിളകൾക്ക് വളം ലഭിക്കാത്തതിനെ തുടർന്ന് നിരാശനായിരുന്നു ഇദ്ദേഹം. രാസവള ക്ഷാമം രൂക്ഷമായതിനെ തുടർന്ന് ബിന്ദ്, മൊറേന, അശോക് നഗറ, സത്ന തുടങ്ങിയ നിരവധി ജില്ലകളിലെ കർഷകർ പ്രതിഷേധവുമായി തെരുവിൽ ഇറങ്ങിയിരുന്നു.
Read also: മണ്ഡികളിലെ കർഷക ചൂഷണം; നടപടി വേണമെന്ന് വരുൺഗാന്ധി