വയനാട്: കോൺഗ്രസ് നേതാവും വയനാട് എംപിയുമായ രാഹുൽ ഗാന്ധി കേരളത്തിലെത്തി. രണ്ട് ദിവസം സ്വന്തം ലോക്സഭാ മണ്ഡലമായ വയനാട്ടിലെ വിവിധ പരിപാടികളിൽ അദ്ദേഹം പങ്കെടുക്കും. അന്തരിച്ച മുൻ എംഎൽഎ സി മോയിൻകുട്ടി അനുസ്മരണ സമ്മേളനത്തിലാണ് ആദ്യം പങ്കെടുക്കുക.
ഉച്ചയ്ക്ക് രണ്ടു മണിയോടെ കളക്ടറേറ്റിൽ ചേരുന്ന കേന്ദ്രാവിഷ്കൃത പദ്ധതികളുടെ അവലോകന യോഗമായ ദിശയിലും പങ്കെടുക്കും. ശേഷം അഡ്വ. സിദ്ദിഖ് എംഎൽഎയുടെ കൽപ്പറ്റയിലെ ഓഫിസ് ഉൽഘാടനം ചെയ്യും.
തുടർന്ന് പൊഴുതന ഗ്രാമപഞ്ചായത്തിൽ പിഎംജിഎസ്വൈ സ്കീമിൽ ഉൾപ്പെടുത്തി നിർമ്മിച്ച അച്ചൂർ- ചാത്തോത്ത് റോഡ് ഉൽഘാടനവും എംപി നിർവഹിക്കും. നാളെ രാവിലെ 11 മണിയോടെ പുൽപള്ളി ആടിക്കൊല്ലിയിലെ ലൈബ്രറി കെട്ടിടവും വിനോദ് സമുച്ചയവും അദ്ദേഹം ഉൽഘാടനം ചെയ്യും.