ടെൽ അവീവ്: ഇസ്രയേലിൽ മുന്നണി പിരിച്ചുവിട്ട് തിരഞ്ഞെടുപ്പ് നേരിടാൻ ധാരണ. ഇസ്രയേൽ പ്രധാനമന്ത്രി നഫ്താലി ബെന്നറ്റും വിദേശകാര്യമന്ത്രി യയിർ ലാപിഡുമായി ഇക്കാര്യത്തിൽ ധാരണയായി. 120 ആംഗ പാർലമെന്റിൽ ഭരണ മുന്നണിയിലുള്ള എട്ട് പാർട്ടികൾക്ക് കൂടി 61 അംഗങ്ങളുടെ പിന്തുണയാണ് ഉള്ളത്.
ഒരു വർഷം മുമ്പ് അധികാരമേറ്റത് മുതൽ എട്ട് പാർട്ടികളുടെ അനിയന്ത്രിതമായ സഖ്യത്തെ ഒരുമിച്ച് നിർത്താൻ ബെന്നറ്റ് പാടുപെട്ടിരുന്നു. കൂറുമാറ്റങ്ങൾ മൂലവും മറ്റും രണ്ട് മാസത്തിലേറെയായി പാർലമെന്റിൽ ഭൂരിപക്ഷമില്ലാതെ തകർന്ന സഖ്യത്തെ ഉപേക്ഷിക്കാൻ ഇതോടെ തീരുമാനിക്കുകയായിരുന്നു. പാർലമെന്റ് പിരിച്ചുവിടാനുള്ള ബിൽ അടുത്ത ആഴ്ച അവതരിപ്പിച്ചേക്കും.
ഒക്ടോബറോടെ രാജ്യത്ത് മൂന്ന് വർഷത്തിനിടെയുള്ള അഞ്ചാം തിരഞ്ഞെടുപ്പിലേക്ക് നീങ്ങാനുള്ള സാഹചര്യമാണ് ഒരുങ്ങുന്നത്. ബെഞ്ചമിൻ നെതന്യാഹു അധികാരത്തിൽ തിരിച്ചെത്താനുള്ള അവസരമായി ഇതിനെ ഉപയോഗിച്ചേക്കും എന്നാണ് വിലയിരുത്തൽ.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
