കോഴിക്കോട്: അലി അക്ബറിന്റെ സിനിമ വിലക്കിയാൽ ആഷിക്ക് അബുവിന്റെ സിനിമയും വെളിച്ചം കാണില്ലെന്ന് ബിജെപി നേതാവ് സന്ദീപ് വാര്യർ. അലി അക്ബർ സംവിധാനം ചെയ്യുന്ന ‘1921പുഴ മുതൽ പുഴ വരെ’ എന്ന ചിത്രത്തിന്റെ പൂജയിൽ സംസാരിക്കവെയാണ് സന്ദീപ് വാര്യരുടെ ഭീഷണി.
1921ലെ മലബാർ കലാപത്തിന്റെ പശ്ചാത്തലത്തിൽ വാരിയംകുന്നത്ത് അഹമ്മദ് ഹാജിയുടെ കഥ സിനിമയാക്കുമെന്ന ആഷിഖ് അബുവിന്റെ പ്രഖ്യാപനത്തിന് പിന്നാലെയാണ് അലി അക്ബറും സിനിമ പ്രഖ്യാപിച്ചത്. 1921–പുഴ മുതൽ പുഴ വരെ എന്നാണ് ചിത്രത്തിനു പേരിട്ടിരിക്കുന്നത്. അതേസമയം അലി അക്ബറിന്റെ സിനിമക്കെതിരെ നിയമ നടപടി സ്വീകരിക്കുമെന്ന് വാരിയന്കുന്നത്ത് കുഞ്ഞഹമ്മദ് ഹാജിയുടെ കുടുംബം വ്യക്തമാക്കിയിരുന്നു.
ഫെബ്രുവരി 20ന് ഷൂട്ടിംഗ് ആരംഭിക്കുന്ന ചിത്രത്തിന്റെ ആദ്യ ഷെഡ്യൂൾ വയനാട്ടിലാണ്. മലയാളത്തിലെ പ്രമുഖ താരങ്ങളാണ് ചിത്രത്തിൽ അണി നിരക്കുകയെന്ന് അലി അക്ബർ പറഞ്ഞു.
Read also: പുരസ്കാര ദാന വിവാദം; പിന്നിൽ അന്യന് രോഗം പകരണമെന്ന ചിന്ത; എകെ ബാലൻ