പാറ്റ്ന: അന്തരിച്ച മുന് കേന്ദ്രമന്ത്രിയും ആര്ജെഡി നേതാവുമായിരുന്ന രഘുവംശ് പ്രസാദ് സിംഗിന്റെ മകന് സത്യപ്രകാശ് ജെഡിയുവില് ചേര്ന്നു. ബീഹാര് തെരഞ്ഞെടുപ്പില് ആര്ജെഡി സീറ്റ് നിഷേധിച്ചതിനെ തുടര്ന്നാണ് സത്യപ്രകാശിന്റെ ജെഡിയു പ്രവേശനം.
അര്ജെഡിയുടെ സ്ഥാപകനേതാവും ലാലു പ്രസാദ് യാദവിന്റെ സന്തതസഹചാരിയുമായിരുന്ന രഘുവംശ് പ്രസാദ്, മരിക്കുന്നതിന് രണ്ടു ദിവസം മുന്പാണ് ആര്ജെഡിയില് നിന്ന് രാജി വെക്കുകയാണെന്ന് അറിയിച്ച് കത്ത് പുറത്തുവന്നത്. എന്നാല് ഈ കത്ത് മകന് സത്യപ്രകാശ് തയാറാക്കിയതാണെന്ന ആരോപണങ്ങളും ഉയര്ന്നിരുന്നു. സെപ്റ്റംബര് 13ന് എയിംസില് ചികില്സയിലിരിക്കെയാണ് രഘുവംശ് പ്രസാദ് അന്തരിച്ചത്.
Read also: ബീഹാര് തിരഞ്ഞെടുപ്പ്: ആര്ജെഡിയുടെ ഒന്നാം ഘട്ട സ്ഥാനാര്ഥി പട്ടിക പുറത്ത്