പാലക്കാട്: ജില്ലയിലെ ഉമ്മിനിയിൽ ഫീസടക്കാൻ സാധിക്കാത്തതിനെ തുടർന്ന് വിദ്യാർഥിനി ആത്മഹത്യ ചെയ്ത സംഭവത്തിൽ കേസെടുത്ത് പട്ടികജാതി-പട്ടികവർഗ കമ്മീഷൻ. യഥാസമയം ഫീസടയ്ക്കാൻ കഴിയാത്തതിനെ തുടർന്നാണ് പാലക്കാട് എംഇഎസ് വുമൻസ് കോളേജിലെ ബികോം വിദ്യാർഥിനിയായ ബീന തൂങ്ങിമരിച്ചത്.
ഞായറാഴ്ച ഉച്ചയോടെയാണ് ബീനയെ തൂങ്ങിമരിച്ച നിലയിൽ കണ്ടെത്തിയത്. ഫീസടക്കാനുള്ള അവസാന ദിവസം കഴിഞ്ഞ് ഏറെയായതിനാൽ കഴിഞ്ഞ ശനിയാഴ്ച ഫീസടക്കാനായി ബീനയുടെ അമ്മ കോളേജിൽ എത്തിയെങ്കിലും കോളേജ് അധികൃതർ ഫീസ് വാങ്ങിയില്ല. കൂടാതെ സർവകലാശാലയെ സമീപിക്കാനും നിർദ്ദേശം നൽകിയിരുന്നു.
എന്നാൽ ഫീസടക്കാൻ സാധിക്കാത്തതിനാൽ പരീക്ഷ എഴുതാൻ സാധിക്കില്ലെന്ന മനോവിഷമത്തിലാണ് സഹോദരി ആത്മഹത്യ ചെയ്തതെന്നാണ് ബീനയുടെ സഹോദരൻ ബിജു അറിയിച്ചത്. എന്നാൽ സര്വകലാശാല നിശ്ചയിക്കുന്ന ദിവസം ഫീസടക്കേണ്ടത് വിദ്യാര്ഥികളാണെന്നും പാരലല് കോളേജിന് പങ്കില്ലെന്നും കോളേജ് പ്രിന്സിപ്പല് പി അനില് വിശദീകരിച്ചു.
Read also: ശബരിമലയിൽ വ്യാജ ബില്ലുണ്ടാക്കി അഴിമതി; നിലപാട് തേടി ഹൈക്കോടതി