കാസർഗോഡ്: ആൽബത്തിൽ അഭിനയിക്കാനെത്തിയ യുവതിയെ മദ്യം നൽകി പീഡിപ്പിക്കാൻ ശ്രമിച്ചെന്ന പരാതിയിൽ മുൻ വിജിലൻസ് ഡിവൈഎസ്പിക്കെതിരെ കേസ്. നടൻ കൂടിയായ വി മധുസൂദനന് എതിരെയാണ് കൊല്ലം സ്വദേശിയായ യുവതിയുടെ പരാതിയിൽ ഐപിസി 354 പ്രകാരം കേസെടുത്തത്. വി മധുസൂദനനെ ഇന്ന് ചോദ്യം ചെയ്യും.
സംഭവത്തിൽ യുവതിയുടെ മൊഴി പോലീസ് ഇന്നലെ രേഖപ്പെടുത്തിയിരുന്നു. കൊല്ലം സ്വദേശിയായ യുവതിയുടെ പരാതിയിൽ പ്രാഥമിക അന്വേഷണത്തിന് ശേഷമാണ് ബേക്കൽ പോലീസ് കേസെടുത്തത്. ആൽബത്തിൽ അഭിനയിക്കാൻ വന്ന യുവതിയോട് ബേക്കൽ പോലീസ് സ്റ്റേഷൻ പരിധിയിലെ ലോഡ്ജിൽ വെച്ച് അശ്ളീല ചുവയോടെ സംസാരിച്ചുവെന്നും മദ്യം നൽകി പീഡിപ്പിക്കാൻ ശ്രമിച്ചുവെന്നുമാണ് കേസ്. ശനിയാഴ്ചയാണ് സംഭവം.
Most Read: അരിക്കൊമ്പൻ ഇന്ന് പൂർണമായി മയക്കം വിട്ടുണരും; ആന മേദകാനം ഭാഗത്ത്