ബോളിവുഡിന്റെ കിംഗ് ഖാൻ ഷാരൂഖ് ഖാനും പ്രമുഖ ചലച്ചിത്ര സംവിധായകൻ രാജ്കുമാർ ഹിറാനിയും ആദ്യമായി കൈകോർക്കുന്നു. പേരിട്ടിട്ടില്ലാത്ത ചിത്രത്തിൽ തപ്സി പന്നുവും കേന്ദ്ര കഥാപാത്രത്തെ അവതരിപ്പിക്കും. സിനിമയുടെ ചിത്രീകരണം അടുത്ത വാരം ആരംഭിക്കുമെന്ന് പിങ്ക് വില്ല റിപ്പോർട് ചെയ്യുന്നു.
കുടിയേറ്റം പശ്ചാത്തലമാക്കിയുള്ള ചിത്രം ഏപ്രിൽ 15ന് മുംബൈയിലെ ഫിലിം സിറ്റിയിൽ ആരംഭിക്കുമെന്നാണ് റിപ്പോർട് വ്യക്തമാക്കുന്നത്. ലണ്ടൻ, ബുഡാപെസ്റ്റ്, കാനഡ എന്നിവിടങ്ങളിലും ചിത്രം ഷൂട്ട് ചെയ്യും. വിക്കി കൗശലും സിനിമയിൽ ശ്രദ്ധേയമായ ഒരു കഥാപാത്രത്തെ അവതരിപ്പിക്കുന്നുണ്ട്.
അതേസമയം മുംബൈയിലെ 40 ദിവസത്തെ ചിത്രീകരണത്തിന് ശേഷം ഷാരൂഖ് ഖാൻ അറ്റ്ലീ സംവിധാനം ചെയ്യുന്ന സിനിമയിൽ ജോയിൻ ചെയ്യുമെന്നും റിപ്പോർട്ടുകളുണ്ട്. ‘പത്താൻ’ ആണ് ഷാരൂഖ് ഖാന്റേതായി റിലീസിന് ഒരുങ്ങുന്ന ചിത്രം. അടുത്ത വർഷം ജനുവരി 25നാണ് ചിത്രം എത്തുക. നാല് വർഷത്തിന് ശേഷം റിലീസിന് ഒരുങ്ങുന്ന ഈ ഷാരൂഖ് ചിത്രത്തിൽ ദീപിക പദുകോൺ, ജോൺ എബ്രഹാം എന്നിവരും മുഖ്യ വേഷത്തിലുണ്ട്.
Most Read: സംസ്ഥാനത്തെ കോവിഡ് നിയന്ത്രണങ്ങള് പിന്വലിച്ചു; മാസ്കും സാനിറ്റൈസറും തുടരണം