പാലക്കാട്: ജില്ലയിൽ ഇന്റർനെറ്റ് ലഭ്യത കുറഞ്ഞ പ്രദേശങ്ങളിലെ 300 പട്ടികജാതി- ഗോത്രവർഗ വിദ്യാർഥികൾക്ക് സ്മാർട് ഫോൺ ലഭ്യമാക്കുമെന്ന് മന്ത്രി കെ കൃഷ്ണൻ കുട്ടി. ഇതിനായി പവർ ഫിനാൻസ് കോർപറേഷൻ സിഎസ്ആർ ഫണ്ടിൽ നിന്ന് 30 ലക്ഷം രൂപ അനുവദിക്കും. ജില്ലാ കളക്ടർ ചെയർമാനും ജില്ലാ വിദ്യാഭ്യാസ ഓഫിസർ, പട്ടികജാതി-വർഗ വികസന വകുപ്പ് ഓഫിസർമാർ അംഗങ്ങളുമായ സമിതിയാണ് അർഹരെ തിരഞ്ഞെടുക്കുക.
സ്മാർട് ഫോൺ ആവശ്യമുള്ള വിദ്യാർഥികൾ ആധാർ നമ്പർ, ജാതി സർട്ടിഫിക്കറ്റ്, റേഷൻ കാർഡ്, ഹെഡ്മാസ്റ്റർ/ പ്രിൻസിപ്പൽ സാക്ഷ്യപ്പെടുത്തിയ അപേക്ഷ എന്നിവ 10 ദിവസത്തിനകം ജില്ലാ കളക്ടർക്ക് നൽകണം. 7,000 രൂപ വിലവരുന്ന സ്മാർട് ഫോണും ഒരു വർഷത്തെ നെറ്റ് കണക്ഷനും രണ്ടാഴ്ചക്കകം വിദ്യാർഥികൾക്ക് ലഭ്യമാക്കുമെന്ന് മന്ത്രി അറിയിച്ചു.
Also Read: കോപ്പിയടി ആരോപണത്തിൽ വിദ്യാർഥിനി ജീവനൊടുക്കിയ സംഭവം; സിബിഐ അന്വേഷണം ആവശ്യപ്പെട്ട് കുടുംബം