തിരുവനന്തപുരം: എസ്എസ്എല്സി പരീക്ഷാഫലം ജൂണ് ആദ്യവാരം പ്രസിദ്ധീകരിക്കാന് വിദ്യാഭ്യാസ വകുപ്പ് തീരുമാനിച്ചു. മൂല്യനിര്ണയം മെയ് 14 മുതല് 29 വരെ നടക്കും. പ്ളസ്ടു പരീക്ഷാഫലം ജൂണ് 20നുള്ളിൽ പ്രസിദ്ധീകരിക്കും. മൂല്യനിര്ണയം മെയ് 5 മുതല് ജൂണ് 10 വരെയാണ് നടക്കുക. പ്രാക്ടിക്കല് പരീക്ഷകള് ഈ മാസം 28 മുതല് മെയ് 15 വരെ നടക്കും.
ഈ മാസം 8 മുതലാണ് പരീക്ഷകൾ ആരംഭിച്ചത്. നേരത്തെ മാർച്ച് 17ന് പരീക്ഷകൾ തുടങ്ങാനാണ് തീരുമാനിച്ചിരുന്നത്. എന്നാൽ അധ്യാപകരുടെ പരീക്ഷാ ഡ്യൂട്ടിയും വോട്ടെണ്ണൽ കേന്ദ്രങ്ങളായ സ്കൂളുകൾ തിരഞ്ഞെടുപ്പ് കമ്മീഷൻ ഏറ്റെടുക്കുന്നത് ഉൾപ്പടെയുള്ള വിഷയങ്ങളും ചൂണ്ടിക്കാട്ടി ഏപ്രിൽ 8ലേക്ക് മാറ്റുകയായിരുന്നു.
Read Also: മന്സൂര് വധക്കേസ്; അന്വേഷണ സംഘത്തെ മാറ്റി, ഇനി ക്രൈം ബ്രാഞ്ച് അന്വേഷിക്കും