മുംബൈ: മഹാരാഷ്‌ട്രയിലെ വിദർഭ മേഖലയിലുള്ള യവത്‌മാളിൽ വിദ്യാർഥിനിയെ പീഡിപ്പിച്ച സംഭവത്തിൽ സർക്കാർ സ്‌കൂൾ അധ്യാപകൻ അറസ്‌റ്റിൽ. ഇയാൾ കുട്ടിയെ സ്‌കൂളിൽ വച്ചാണ് പീഡനത്തിന് ഇരയാക്കിയത്. ക്‌ളാസ് കഴിഞ്ഞതിന് ശേഷം ട്യൂഷൻ ഉണ്ടെന്ന പേരിൽ അധ്യാപകൻ കുട്ടിയോട് സ്‌കൂളിൽ നിൽക്കാൻ ആവശ്യപ്പെടുകയായിരുന്നു. തുടർന്നാണ് സ്‌കൂളിൽ വച്ച് കുട്ടിയെ പീഡനത്തിന് ഇരയാക്കിയത്.
സംഭവത്തിൽ സംശയം തോന്നിയ നാട്ടുകാർ നടത്തിയ തിരച്ചിലിലാണ് അധ്യാപകൻ പിടിയിലായത്. ഏകദേശം 2 മാസക്കാലമായി വിദ്യാർഥിനിയെ ഇയാൾ പീഡനത്തിന് ഇരയാക്കുന്നതായി പരാതിയിൽ വ്യക്‌തമാക്കുന്നുണ്ട്. അധ്യാപകനെതിരെ പോക്‌സോ നിയമപ്രകാരം കേസെടുത്താണ് നിലവിൽ അറസ്‌റ്റ് ചെയ്‌തിരിക്കുന്നത്‌.
Read also: ദളിത് വിഭാഗത്തെ അപമാനിച്ച് വീഡിയോ; തമിഴ്‌ നടി മീരാ മിഥുനെതിരെ കേസ്
