ചെന്നൈ: ദളിത് സമുദായങ്ങളെ അപമാനിച്ച് സംസാരിച്ചെന്ന പരാതിയിൽ തമിഴ്‌ നടിയും യൂ ട്യൂബറുമായ മീരാ മിഥുനെതിരെ പോലീസ് കേസെടുത്തു. ദളിത് കേന്ദ്രീകൃത പാർട്ടിയായ ‘വിടുതലൈ സിരുത്തൈൽ കച്ചി’യുടെ ഭാരവാഹി വണ്ണിയരശ് നൽകിയ പരാതിയുടെ അടിസ്‌ഥാനത്തിലാണ് നടപടി.
ഓഗസ്‌റ്റ്‌ ഏഴിന് മീര യൂ ട്യൂബിൽ അപ്‍ലോഡ് ചെയ്‌ത വീഡിയോയിൽ പട്ടികജാതിക്കാർക്ക് എതിരെ അപകീർത്തികരമായ രീതിയിൽ സംസാരിച്ചെന്നാണ് ആരോപണം. ദളിത് വിഭാഗങ്ങളിൽ ഉള്ളവരെല്ലാം കുറ്റവാളികളാണെന്നും തമിഴ്‌ സിനിമാ മേഖലയിൽ നിന്ന് ദളിത് വിഭാഗത്തിലുള്ള സംവിധായകരെ പുറത്താക്കണമെന്നും വീഡിയോയിൽ പറഞ്ഞിരുന്നു. ഇതിനെതിരെ സോഷ്യൽ മീഡിയയിലടക്കം വൻ പ്രതിഷേധവും ഉയർന്നിരുന്നു. ഇതിന് മുൻപും വിവിധ പരാമർശങ്ങളുടെ പേരിൽ ഇവർ വിവാദത്തിലായിട്ടുണ്ട്.
വണ്ണിയരശിന്റെ പരാതിയിൽ നടിക്കെതിരെ ഐപിസി 153, 153A (1) (a), 505(1) (b), 505 (2) എന്നീ വകുപ്പുകളും എസ്‌സി, എസ്‌ടി അതിക്രമങ്ങൾ തടയൽ നിയമപ്രകാരമുള്ള വിവിധ വകുപ്പുകളും പ്രകാരമാണ് കേസെടുത്തിരിക്കുന്നത്.
Also Read: മഹാരാഷ്‌ട്രയില്‍ റൂം മേറ്റിനെ യുവാവ് തലക്കടിച്ചു കൊന്നു
