കോഴിക്കോട്: കൊയിലാണ്ടിയിൽ തട്ടിക്കൊണ്ടുപോയ സ്വർണക്കടത്ത് ക്യാരിയറെന്ന് സംശയിക്കുന്ന ഹനീഫയ്‌ക്കെതിരെ കസ്‌റ്റംസും കേസെടുക്കും. കടത്തിക്കൊണ്ടുവന്ന സ്വർണം കസ്‌റ്റംസ് പിടികൂടിയെന്ന് വ്യാജരേഖ ഉണ്ടാക്കിയ കേസിന്റെ രേഖകൾ കസ്‌റ്റംസ് കൊയിലാണ്ടി പോലീസിനോട് ആവശ്യപ്പെട്ടിട്ടുണ്ട്. ഹനീഫയ്‌ക്കെതിരെ പോലീസും കേസെടുത്തിരുന്നു.
അതേസമയം സ്വർണം കണ്ടെത്താൻ ഇന്നലെ പോലീസ് പ്രതികളുടെ വീടുകളിൽ റെയ്‌ഡ്‌ നടത്തിയെങ്കിലും കണ്ടെത്താനായില്ല. ഇന്ന് കോടതിയിൽ ഹാജരാക്കുന്ന പ്രതികളെ 10 ദിവസം കസ്‌റ്റഡിയിൽ ആവശ്യപ്പെടും. സ്വർണക്കടത്ത് ക്യാരിയറെന്ന് സംശയിക്കുന്ന ഹനീഫയെ തിങ്കളാഴ്‌ച രാത്രി തട്ടിക്കൊണ്ടുപോയെന്ന പരാതി ലഭിച്ചതോടെയാണ് ഇയാൾക്ക് സ്വർണക്കടത്തുമായി ബന്ധമുള്ള വിവരം പുറത്തുവരുന്നത്.
പിന്നീട് ഇയാളിൽ നിന്ന് കസ്‌റ്റംസിന്റെ വ്യാജ സ്ളിപ്പ് കണ്ടെത്തുകയായിരുന്നു. ഹനീഫയെ തട്ടിക്കൊണ്ടുപോയ സ്‌ഥലത്തിന് സമീപത്തു നിന്നും എയർപിസ്‌റ്റളും കണ്ടെത്തിയിട്ടുണ്ട്. സ്വര്‍ണക്കടത്തുമായി ബന്ധപ്പെട്ട തര്‍ക്കമാണ് സംഭവത്തിന് പിന്നിലെന്നാണ് സൂചന.
Also Read: കോവിഡ് വ്യാപനം; ഈ ആഴ്‌ച നിർണായകമെന്ന് വിലയിരുത്തൽ
