കോഴിക്കോട്: രാമനാട്ടുകരയിലെ വാഹനാപകടത്തിൽ അഞ്ച് യുവാക്കൾ മരിച്ച സംഭവത്തിൽ ദുരൂഹതയെന്ന് പോലീസ്. അപകടത്തിൽപ്പെട്ട കാറിനൊപ്പം മറ്റ് രണ്ട് കാറുകൾ കൂടി ഉണ്ടായിരുന്നുവെന്ന് പോലീസ് പറയുന്നു.
അപകടത്തിൽപ്പെട്ട വാഹനത്തെ പിൻതുടർന്നവയിൽ ഒരു ഇന്നോവ കാർ പോലീസ് കണ്ടെത്തിയിട്ടുണ്ട്.
തിങ്കളാഴ്ച പുലർച്ചെയാണ് കോഴിക്കോട് രാമനാട്ടുകരയിൽ ലോറിയും കാറും കൂട്ടിയിടിച്ച് അഞ്ച് യുവാക്കൾ മരിച്ചത്. രാമനാട്ടുകരയ്ക്ക് അടുത്ത് വൈദ്യരങ്ങാടിയിൽ ആയിരുന്നു അപകടം. പാലക്കാട് ചെര്പ്പുളശേരി സ്വദേശികളായ സാഹിർ, സുബൈർ, അസൈനാർ, നാസർ, ഷഹീർ എന്നിവരാണ് മരണപ്പെട്ടത്.
എയർപോർട്ടിൽ പോയി മടങ്ങി വരുമ്പോഴായിരുന്നു അപകടം. അപകടത്തില് കാര് പൂര്ണമായും തകര്ന്നിരുന്നു.
Malabar News: പള്ളിക്കര മേൽപ്പാലത്തിന്റെ നിർമാണം ഡിസംബറിൽ പൂർത്തിയാകും