മാറഞ്ചേരി: മലപ്പുറം മാറഞ്ചേരി ഗവൺമെൻറ് സ്കൂളിൽ അധ്യാപകർക്കും വിദ്യാർഥികൾക്കും കോവിഡ്. 34 അധ്യാപകർക്കും 150 വിദ്യാർഥികൾക്കുമാണ് രോഗം സ്ഥിരീകരിച്ചത്. പത്താം ക്ളാസ് വിദ്യാർഥികൾക്കാണ് രോഗം സ്ഥിരീകരിച്ചത്.
കഴിഞ്ഞ ദിവസം സ്കൂളിലെ ഒരു വിദ്യാർഥിക്ക് കോവിഡ് സ്ഥിരീകരിച്ചിരുന്നു. തുടർന്ന് നടന്ന ആന്റിജൻ പരിശോധനയിലാണ് ബാക്കിയുള്ളവർക്കും രോഗബാധ സ്ഥിരീകരിച്ചത്. 628 സാമ്പിളുകളാണ് സ്കൂളിൽ പരിശോധിച്ചത്. ശേഷിക്കുന്ന വിദ്യർഥികളിൽ അടുത്ത ദിവസം ആന്റിജൻ പരിശോധന നടത്തും.
അധ്യാപകർക്കും വിദ്യാർഥികൾക്കും കോവിഡ് സ്ഥിരീകരിച്ചതിനെ തുടർന്ന് മുൻകരുതൽ നടപടികൾ സ്വീകരിച്ചതായി ആരോഗ്യവകുപ്പ് അധികൃതർ അറിയിച്ചു. കോവിഡ് സ്ഥിരീകരിച്ചവരുമായി സമ്പർക്കത്തിൽ ഏർപ്പെട്ടവർ പരിശോധന നടത്തണമെന്നും നിരീക്ഷണത്തിൽ പോകണമെന്നും ആരോഗ്യ വകുപ്പ് അറിയിച്ചു.
Read also: വയനാട് ബഫർ സോൺ; ജില്ലയില് പ്രതിഷേധം ശക്തം