ശ്രീനഗർ: കശ്‌മീരിൽ രണ്ട് വ്യത്യസ്‌ത ഭീകരാക്രമണങ്ങളിൽ ഒരു പോലീസ് ഉദ്യോഗസ്‌ഥനും പ്രദേശവാസിയും കൊല്ലപ്പെട്ടു. ശ്രീനഗറിലും അനന്ത് നാഗിലുമാണ് ഭീകരാക്രമണം ഉണ്ടായത്. അനന്ത നാഗിലുണ്ടായ ഏറ്റുമുട്ടലിലാണ് അസിസ്‌റ്റന്റ്‌ സബ് ഇൻസ്‌പെക്‌ടർ മുഹമ്മദ് അഷ്റഫ് കൊല്ലപ്പെട്ടത്.
ആക്രമണത്തിൽ ഗുരുതരമായി പരിക്കേറ്റ അഷ്റഫ് ആശുപത്രിയിൽ വെച്ചാണ് മരിച്ചത്. ഭീകരവാദികൾക്കായുള്ള തിരച്ചിൽ പ്രദേശത്ത് തുടരുകയാണെന്ന് പോലീസ് അറിയിച്ചു. ശ്രീനഗറിൽ ഉണ്ടായ ആക്രമണത്തിൽ റൗഫ് അഹമ്മദ് എന്നയാളാണ് കൊല്ലപ്പെട്ടത്. ഭീകരവാദികളുടെ വെടിയേറ്റ ഇദ്ദേഹം ആശുപത്രിയിൽ എത്തിക്കുന്നതിന് മുൻപ് തന്നെ മരിച്ചിരുന്നു.
Also Read: പ്രിയങ്കയുടെ ഹാക്കിങ് പരാതി; ഐടി മന്ത്രാലയം അന്വേഷണം പ്രഖ്യാപിച്ചു
