തിരുവനന്തപുരം: വഞ്ചനാ കേസില് ബോളിവുഡ് നടി സണ്ണി ലിയോണിനെതിരായ അന്വേഷണം ശക്തമാക്കി ക്രൈംബ്രാഞ്ച്. നടിയുടെ ബാങ്ക് അക്കൗണ്ട് സ്റ്റേറ്റ്മെന്റ് ക്രൈംബ്രാഞ്ച് ശേഖരിച്ചു. പരാതിക്കാരന് ഷിയാസ് 25 ലക്ഷം രൂപ നല്കിയതിന് തെളിവ് അന്വേഷണ സംഘത്തിന് ലഭിച്ചു. ഒന്നരക്കോടി രൂപയുടെ നഷ്ടം തനിക്ക് സംഭവിച്ചുവെന്ന പരാതിയില് ഉറച്ചു നില്ക്കുകയാണ് പെരുമ്പാവൂര് സ്വദേശിയായ ഷിയാസ്.
സണ്ണി ലിയോണിന്റെ മുംബൈ സിറ്റി ബാങ്കിലെ അക്കൗണ്ടിന്റെ വിവരങ്ങളാണ് ക്രൈംബ്രാഞ്ച് പരിശോധിച്ചത്. സണ്ണി ലിയോണിനെ വീണ്ടും ചോദ്യം ചെയ്യുമെന്നാണ് വിവരം. കൊച്ചിയില് വിവിധ ഉൽഘാടന പരിപാടികളില് പങ്കെടുക്കാമെന്ന് വാഗ്ദാനം ചെയ്ത് 29 ലക്ഷം രൂപ വാങ്ങി വഞ്ചിച്ചുവെന്നാണ് കേസ്. ബഹ്റൈനിലെ പരിപാടിയില് പങ്കെടുക്കാമെന്ന് പറഞ്ഞ് പതിനാറ് ലക്ഷം വാങ്ങി വഞ്ചിച്ചുവെന്ന ആരോപണവും പരാതിക്കാരന് പിന്നീട് ഉന്നയിച്ചു. ഇതിന് പിന്നാലെ സണ്ണി ലിയോണിനെ ക്രൈംബ്രാഞ്ച് ചോദ്യം ചെയ്തിരുന്നു.
Read Also: കെഎസ്ആർടിസി ബസ് സ്റ്റേഷനുകളിൽ ഇനി പെട്രോൾ പമ്പുകളും