'പൊളിക്ളിക്‌സ്' ഫോട്ടോ പ്രദർശനം നടക്കുന്ന 'അരയാൽ മുളച്ച കെട്ടിടം'
പൊന്നാനി: ടീം തിണ്ടിസും & പൊന്നാനി വെൽഫയർ കമ്മിറ്റിയുടെ യുഎഇ വിഭാഗവും സംയുക്‌തമായി പൊന്നാനിയിൽ ഫോട്ടോ പ്രദർശനം സംഘടിപ്പിക്കുന്നു. 2020ലെതദ്ദേശ സ്വയംഭരണ തിരഞ്ഞെടുപ്പിലെടുത്ത ചിത്രങ്ങളെ പ്രമേയയാക്കി ‘പൊളിക്ളിക്‌സ്’ എന്ന പേരിലാണ് പ്രദർശനം ഒരുക്കുന്നത്.
മാർച്ച്‌ 13,14 തീയതികളിൽ പൊന്നാനി ഹാർബർ റോഡിൽ വച്ചാണ് പ്രദർശനം (പാണ്ടികശാലക്ക് സമീപം) നടക്കുക. മാർച്ച്‌ 13ന് ശനിയാഴ്‌ച രാവിലെ 10 മുതൽ വൈകിട്ട് 6വരെയും ഞായറാഴ്‌ച രാവിലെ 10മുതൽ 5വരെയുമാണ് പ്രദർശനം. പൊതുജനങ്ങൾക്ക് ഫ്രീയായി പ്രദർശനം കാണാം. സന്ദർശകർ കോവിഡ് പ്രോട്ടോകോൾ പാലിക്കണം.
മാർച്ച്‌ 13 രാവിലെ 10ന് പൊന്നാനി മുൻസിപ്പൽ ചെയർമാൻ ശിവദാസ് ആറ്റുപുറം ഉൽഘാടനം നിർവഹിക്കുന്ന ഈ ഫോട്ടോ പ്രദർശനം പൊന്നാനിയിലെ ആദ്യ ‘ഔട്ട്ഡോർ ഫോട്ടോ പ്രദർശനം’ ആണെന്ന് ടീം തിണ്ടിസ് അവകാശപ്പെട്ടു.
പൊന്നാനിയിലെ പ്രധാന ആകർഷണങ്ങളിൽ ഒന്നാണ് ‘അരയാൽ മുളച്ച കെട്ടിടം’. ഇതിനകത്താണ് ഫോട്ടോ പ്രദർശനം ഒരുക്കുന്നത്. പരിപാടിയുടെ സമാപനദിനമായ ഞായറാഴ്‌ച വൈകീട്ട് 5 മണിക്ക് പൊന്നാനിയുടെ പാരമ്പര്യ കലാ രൂപമായ ‘മൗത്തള’ അവതരിപ്പിക്കും. ശേഷം, 9 മണിവരെ നീണ്ടു നിൽക്കുന്ന ഗസലും ഉണ്ടായിരിക്കും. എല്ലാ പരിപാടികളും സൗജന്യമായി പൊതുജനങ്ങൾക്ക് കാണാവുന്നതാണ്; സംഘാടകർ വ്യക്‌തമാക്കി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
