ന്യൂയോർക്ക്: നൊവാവാക്‌സ് കോവിഡ് വാക്‌സിൻ 90 ശതമാനം ഫലപ്രദമെന്ന് റിപ്പോർട്. കൊറോണ വൈറസിന്റെ വിവിധ വകഭേദങ്ങൾക്ക് എതിരെയും വാക്‌സിൻ ഫലപ്രദമാണെന്ന് കമ്പനി തിങ്കളാഴ്‌ച അറിയിച്ചു. യുഎസിൽ നടത്തിയ പഠനങ്ങൾക്കും ക്ളിനിക്കൽ ട്രയലുകൾക്കും ഒടുവിലാണ് വൈറസിന്റെ ഫലപ്രാപ്‌തിയെ കുറിച്ചുള്ള റിപ്പോർട്ടുകൾ പുറത്തു വന്നിരിക്കുന്നത്.
ഫലപ്രാപ്‌തി, സുരക്ഷ, രോഗപ്രതിരോധ ശേഷി എന്നിവ വിലയിരുത്തുന്നതിന് യുഎസിലെയും മെക്‌സിക്കോയിലെയും 119 സ്‌ഥലങ്ങളിലായി 29,960 പേരെ പങ്കെടുപ്പിച്ച് കൊണ്ടുള്ള ട്രയലാണ് നടത്തിയത്. ‘ലോകത്തിൽ നിലവിൽ ഏറ്റവും അടിയന്തിരമായി ആവശ്യമുള്ള കോവിഡ് വാക്‌സിൻ വിതരണം എന്ന ലക്ഷ്യത്തിലേക്ക് നൊവാവാക്‌സ് ഒരുപടി കൂടി അടുത്തു കഴിഞ്ഞു.’ സിഇഒ സ്‌റ്റാൻലി എർക്ക് പറഞ്ഞു.
NEW DATA RELEASE: Novavax #COVID19 Vaccine Demonstrates 90% Overall Efficacy and 100% Protection Against Moderate and Severe Disease in PREVENT-19 Phase 3 Trial https://t.co/lIOiQXxDtD pic.twitter.com/4ePHxDpziZ
— Novavax (@Novavax) June 14, 2021
2021ന്റെ മൂന്നാം പാദത്തോടെ വാക്‌സിൻ ഉപയോഗത്തിനുള്ള റെഗുലേറ്ററി അംഗീകാരത്തിനായി അപേക്ഷിക്കാനാണ് തീരുമാനമെന്ന് മേരിലാൻഡ് ആസ്‌ഥാനമായി പ്രവർത്തിക്കുന്ന കമ്പനി അറിയിച്ചു. അതിനുശേഷം, മൂന്നാം പാദം അവസാനത്തോടെ പ്രതിമാസം 100 ദശലക്ഷം ഡോസും വർഷാവസാനത്തോടെ പ്രതിമാസം 150 ദശലക്ഷം ഡോസും ഉൽപാദിപ്പിക്കാൻ കഴിയുന്ന നിലയിലേക്ക് എത്താനാണ് ശ്രമമെന്നും അവർ പറയുന്നു.
Read Also: രാമക്ഷേത്രത്തിന് ഭൂമി വാങ്ങിയതിൽ വൻ അഴിമതി; ട്രസ്‌റ്റും നേതാക്കളും മറുപടി പറയണമെന്ന് ശിവസേന
