ചെന്നൈ: തമിഴ്‌നാട്ടിൽ സിനിമ തിയേറ്ററുകൾ തുറക്കാൻ അനുമതി. ഓഗസ്‌റ്റ് 23 മുതൽ തിയേറ്ററുകൾ തുറക്കാൻ മുഖ്യമന്ത്രി എംകെ സ്‌റ്റാലിന്റെ അധ്യക്ഷതയിൽ ചേർന്ന യോഗം അനുമതി നൽകി. ഈ ഇളവുകൾ ഉൾപ്പെടെ തമിഴ്‌നാട്ടിൽ ലോക്ക്ഡൗൺ സെപ്റ്റംബർ ആറുവരെ നീട്ടി.
ബാറുകൾ തുറക്കാനും ബീച്ചുകളിൽ സന്ദർശകരെ അനുവദിക്കാനും തീരുമാനിച്ചിട്ടുണ്ട്. മൃഗശാലകളിലും സന്ദർശകരെ അനുവദിക്കും. ആന്ധ്രാ പ്രദേശിൽ നിന്നും കർണാടകയിൽ നിന്നുമുള്ള ബസ് സർവീസുകൾക്കും അനുമതി നൽകിയിട്ടുണ്ട്.
സെപ്റ്റംബർ ഒന്നു മുതൽ സ്‌കൂളുകളും കോളേജുകളും തുറക്കാനുള്ള തീരുമാനത്തില്‍ മാറ്റമില്ല. 9 മുതൽ 12 വരെയുള്ള ക്ളാസുകളിലെ കുട്ടികൾക്കാണ് സെപ്റ്റംബർ ഒന്നു മുതൽ ക്ളാസുകൾ ആരംഭിക്കുന്നത്. സ്‌കൂളുകൾ പാലിക്കേണ്ട മാനദണ്ഡങ്ങൾ കഴിഞ്ഞ ദിവസം പുറത്തിറക്കിയിരുന്നു. ഒന്നു മുതൽ എട്ടു വരെയുള്ള ക്ളാസുകൾ ആരംഭിക്കുന്നത് സെപ്റ്റംബർ 15ന് ശേഷം തീരുമാനിക്കും.
Read Also: ബഹ്റൈനില്‍ മൂന്ന് വയസ് മുതലുള്ള കുട്ടികള്‍ക്ക് കോവിഡ് വാക്‌സിന്‍ രജിസ്‍ട്രേഷന്‍ തുടങ്ങി
