ചെന്നൈ: തമിഴ്‌നാട്ടില്‍ സ്‌കൂളുകളും കോളേജുകളും ഫെബ്രുവരി 1 മുതൽ തുറക്കാന്‍ സര്‍ക്കാര്‍ തീരുമാനിച്ചു. കോവിഡ് കേസുകളുടെ എണ്ണം വര്‍ധിച്ചതിനെ തുടര്‍ന്നാണ് സംസ്‌ഥാനത്തെ എല്ലാ വിദ്യാഭ്യാസ സ്‌ഥാപനങ്ങളും അടച്ചത്. എന്നാൽ ഇപ്പോൾ കോവിഡ് പ്രോട്ടോക്കോളുകള്‍ പാലിച്ച് ഫെബ്രുവരി 1 മുതല്‍ സ്‌കൂളുകള്‍ക്കും, കോളേജുകള്‍ക്കും ഓഫ്‍ലൈൻ ക്ളാസുകള്‍ നടത്താന്‍ വിദ്യാഭ്യാസ വകുപ്പ് അനുമതി നല്‍കിക്കഴിഞ്ഞു.
സംസ്‌ഥാനത്ത്‌ നിലവിൽ കോവിഡ് കേസുകൾ കുറയുകയാണ്. ഇതോടെയാണ് ഇളവുകൾ കൊണ്ട് വരുന്നത്. നിയന്ത്രണങ്ങള്‍ ലഘൂകരിക്കുന്നതിന്റെ ഭാഗമായി നേരത്തെ ഏര്‍പ്പെടുത്തിയ വാരാന്ത്യ ലോക്ക്ഡൗണ്‍ അവസാനിപ്പിക്കാൻ സര്‍ക്കാര്‍ തീരുമാനിച്ചിട്ടുണ്ട്. രാത്രികാല കര്‍ഫ്യൂവും തുടരേണ്ടെന്നാണ് സർക്കാർ തീരുമാനം. 29,976 പേർക്കാണ് ഇന്നലെ സംസ്‌ഥാനത്ത്‌ രോഗബാധ ഉണ്ടായത്.
Read Also: ആഗോള സൂചികകളിലെ നഷ്‌ടം ഇന്ത്യൻ വിപണിയിലും പ്രകടമാവുന്നു
