ജോജു ജോർജിന് ഇന്ന് ജൻമദിനം; ആഘോഷമാക്കി ‘വോയ്‌സ്‌ ഓഫ് സത്യനാഥൻ’ സെറ്റ്

By Siva Prasad, Special Correspondent (Film)
  • Follow author on
Today is Joju George's birthday; Celebrated 'Voice of Satyanathan' set
ദിലീപിന് തന്റെ പിറന്നാൾ മധുരം നൽകുന്ന ജോജു

തന്റെ ജൻമദിനമായ ഒക്‌ടോബർ 22 വോയ്‌സ്‌ ഓഫ് സത്യനാഥൻ സെറ്റിൽ അണിയറ പ്രവർത്തകക്കൊപ്പം ആഘോഷമാക്കി ജോജു. ദിലീപ്-റാഫി കൂട്ടുകെട്ടിൽ ഒരുങ്ങുന്ന ‘വോയിസ് ഓഫ് സത്യനാഥൻ’ എന്ന ചിത്രത്തിന്റെ കൊച്ചിയിലെ ചീത്രീകരണ സ്‌ഥലത്താണ്‌ ജോജു പിറന്നാൾ ആഘോഷിച്ചത്.

1995ൽ പുറത്തിറങ്ങിയ മഴവിൽ കൂടാരം എന്ന ചിത്രത്തിലൂടെ ജൂനിയർ ആർട്ടിസ്‌റ്റായി അഭിനയ ജീവിതം ആരംഭിച്ച ജോജു ഇന്ന് മലയാളത്തിലെ വിപണന മൂല്യമുള്ള അപൂർവം അഭിനേതാവായി മാറിയിട്ടുണ്ട്. ജൂനിയർ ആർട്ടിസ്‌റ്റായും സഹ നടനായും 20 കൊല്ലത്തോളം മലയാള ചലച്ചിത്രലോകത്ത് പിടിച്ചുനിന്ന ജോജു 2018ൽ പുറത്തിറങ്ങിയ ജോസഫ് എന്ന ചിത്രത്തിലൂടെയാണ് നായക കഥാപാത്രത്തിലേക്ക് ഉയർന്നത്.

പിന്നീടങ്ങോട്ട് നായകനായും പ്രതിനായകനായും സഹ അഭിനേതാവായും ബോക്‌സ് ഓഫീസിലെ വിജയ ചിത്രങ്ങളുടെ അവിഭാജ്യഘടകമായി മാറിയ ജോജു, കേരള സംസ്‌ഥാന ചലച്ചിത്ര പുരസ്‌കാരവും, ദേശീയ ചലച്ചിത്ര ജൂറിയുടെ പ്രത്യേക പരാമർശവും നേടി. കുടുംബങ്ങൾക്കും കുട്ടികൾക്കും യുവ സമൂഹത്തിനും ഒരുപോലെ സ്വീകാര്യനായി വളർന്ന ജോജു ഇപ്പോൾ ദിലീപിനൊപ്പം ‘വോയ്‌സ്‌ ഓഫ് സത്യനാഥൻ’ എന്ന ചിത്രത്തിലാണ് അഭിനയിച്ചു കൊണ്ടിരിക്കുന്നത്.

ബാദുഷ സിനിമാസിന്റേയും ഗ്രാന്റ് പ്രൊഡക്ഷന്‍സിന്റേയും ബാനറിൽ എൻഎം ബാദുഷ, ഷിനോയ് മാത്യു, ദിലീപ്, പ്രിജിൻ ജെപി എന്നിവർ ചേർന്നാണ് ‘വോയ്‌സ്‌ ഓഫ് സത്യനാഥൻ’ നിർമിക്കുന്നത്. കഥ തിരക്കഥ സംഭാഷണം സംവിധാനം എന്നിവ റാഫി തന്നെയാണ് നിർവഹിക്കുന്നത്. ചിത്രത്തിൽ ദിലീപിനും ജോജുവിനുമൊപ്പം സിദ്ധിഖ്, ജോണി ആന്റണി, വീണ നന്ദകുമാർ, രമേഷ് പിഷാരടി, അലൻസിയർ തുടങ്ങിയവരും അഭിനയിക്കുന്നുണ്ട്.

Joju george and Dileep Movie Voice-Of-Sathyanathan

Most Read: ‘എസ്‌വി പ്രദീപിന്റെ മരണത്തിൽ ചാനൽ മേധാവിയുടെ പങ്ക് അന്വേഷിക്കണം’; സത്യവാങ്മൂലം

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE