പാലക്കാട്: വള്ളത്തോൾ നഗർ-വടക്കാഞ്ചേരി സെക്ഷനിലെ ട്രാക്കിൽ അറ്റകുറ്റപ്പണി നടക്കുന്നതിനാൽ നാല് ട്രെയിൻ സർവീസുകൾ ഭാഗികമായി റദ്ദാക്കും. ഒക്ടോബർ 28ന് ആണ് ട്രെയിൻ സർവീസുകൾ ഭാഗികമായി റദ്ദാക്കുക. വ്യാഴാഴ്ച പാലക്കാട് ജങ്ഷനിൽ നിന്നും പുറപ്പെടേണ്ട പാലക്കാട് ജങ്ഷൻ-തിരുനെൽവേലി പാലരുവി എക്സ്പ്രസ് തൃശൂരിൽ നിന്നാണ് സർവീസ് ആരംഭിക്കുക.
അന്നേ ദിവസം കണ്ണൂരിൽ നിന്ന് പുറപ്പെടുന്ന കണ്ണൂർ-എറണാകുളം ജങ്ഷൻ ഇന്റർസിറ്റി എക്സ്പ്രസ് ഷൊർണൂർ ജങ്ഷനിൽ യാത്ര അവസാനിപ്പിക്കും. നിലമ്പൂരിൽ നിന്ന് പുറപ്പെടേണ്ട നിലമ്പൂർ റോഡ്-കോട്ടയം ഡെയ്ലി എക്സ്പ്രസ് തൃശൂരിൽ നിന്നാണ് യാത്ര ആരംഭിക്കുക. നിലമ്പൂർ റോഡിനും തൃശൂരിനും ഇടയിൽ ഈ സർവീസ് ഉണ്ടായിരിക്കില്ല.
ബുധനാഴ്ച തിരുനെൽവേലിയിൽ നിന്നും പുറപ്പെടുന്ന തിരുനെൽവേലി-പാലക്കാട് ജങ്ഷൻ പാലരുവി എക്സ്പ്രസ് തൃശൂരിൽ യാത്ര അവസാനിപ്പിക്കും. തൃശൂരിനും പാലക്കാടിനും ഇടയിൽ സർവീസ് ഉണ്ടായിരിക്കില്ല.
Most Read: മുങ്ങിക്കപ്പലുമായി ബന്ധപ്പെട്ട രഹസ്യ വിവരങ്ങൾ ചോർത്തി; നാവികസേനാ ഉദ്യോഗസ്ഥർ അറസ്റ്റിൽ