ന്യൂഡെൽഹി: മുങ്ങിക്കപ്പലുമായി ബന്ധപ്പെട്ട അതീവരഹസ്യങ്ങൾ ചോർത്തിയ കേസിൽ മൂന്ന് പേരെ അറസ്‌റ്റ്‌ ചെയ്‌തു. നാവികസേനയിൽ കമാൻഡർ പദവിയിലുള്ള ഒരു ഉദ്യോഗസ്‌ഥനെയും വിരമിച്ച രണ്ട് ഉദ്യോഗസ്‌ഥരെയുമാണ് സിബിഐ അറസ്‌റ്റ്‌ ചെയ്‌തത്.
ഇന്ത്യൻ നാവികസേനയുടെ മുങ്ങിക്കപ്പലുകളുടെ ആധുനികവൽക്കരണവുമായി ബന്ധപ്പെട്ട നിർണായക വിവരങ്ങൾ വിരമിച്ച ഉദ്യോഗസ്‌ഥർക്ക് ചോർത്തി നൽകിയെന്നാണ് കേസ്. സംഭവത്തിൽ നേരത്തെ ഉന്നതതല അന്വേഷണവും പ്രഖ്യാപിച്ചിരുന്നു. വൈസ് അഡ്‌മിറൽ, റിയർ അഡ്‍മിറർ എന്നിവരുടെ നേതൃത്വത്തിലുള്ള അഞ്ചംഗ സംഘമാണ് അന്വേഷണം നടത്തുക.
അറസ്‌റ്റിലായ ഉദ്യോഗസ്‌ഥരുമായി അടുത്ത ബന്ധമുള്ള ഏതാനും ഉദ്യോഗസ്‌ഥരെ സിബിഐ ചോദ്യം ചെയ്‌ത് വരികയാണ്. കൂടുതൽ അറസ്‌റ്റ്‌ ഉണ്ടാകാൻ സാധ്യതയുള്ളതായി സിബിഐ വൃത്തങ്ങൾ പറഞ്ഞു.
Also Read: ആശങ്കയേറുന്നു; മുല്ലപ്പെരിയാറിൽ പുതിയ ഡാം നിർമിക്കണം, സ്‌റ്റാലിന് കത്ത്
