ന്യൂഡെല്‍ഹി: ഫുട്പാത്തിലേക്ക് ട്രക്ക് ഇടിച്ചുകയറി രണ്ടുപേര്‍ മരണപ്പെട്ടു. വടക്കന്‍ ഡെല്‍ഹിയിലെ കാശ്‌മീരി ഗേറ്റിലാണ് അപകടം നടന്നത്. ഫുട്പാത്തില്‍ കിടന്നുറങ്ങുകയായിരുന്ന ആളും ഒരു സ്‌കൂട്ടര്‍ യാത്രക്കാരനുമാണ് മരിച്ചത്. മറ്റ് രണ്ടു പേര്‍ക്ക് പരിക്കേറ്റിട്ടുമുണ്ട്.
ബുധനാഴ്‌ച പുലര്‍ച്ചെയാണ് കാശ്‌മീരി ഗേറ്റ് മേഖലയിലെ റിംഗ് റോഡില്‍ അപകടം നടന്നത്. അമിത വേഗതയിലെത്തിയ ട്രക്ക് നിയന്ത്രണം വിട്ട് സ്‌കൂട്ടറില്‍ ഇടിക്കുകയും പിന്നാലെ ഫുട്പാത്തിലേക്ക് ഇടിച്ചു കയറുകയുമായിരുന്നു. രണ്ട് പേരും തല്‍ക്ഷണം മരിച്ചു.
ട്രക്ക് ഡ്രൈവറെ ഡെല്‍ഹി പോലീസ് അറസ്‌റ്റ് ചെയ്‌തു. പരിക്കേറ്റവർ ആശുപത്രിയില്‍ ചികില്‍സയിലാണ്.
Read Also: മദ്യം ലഭിച്ചില്ല; മധ്യപ്രദേശിൽ സാനിറ്റൈസർ കുടിച്ച് രണ്ടുപേർ മരിച്ചു
