ജനിതക വ്യതിയാനം സംഭവിച്ച പുതിയ കൊറോണ വൈറസ് പ്രതിസന്ധിയെത്തുടര്ന്ന് ബ്രിട്ടണ് പ്രധാനമന്ത്രി ബോറിസ് ജോണ്സണ് ഇന്ത്യ സന്ദര്ശനം മാറ്റിവെച്ചു. യുകെയില് വീണ്ടും ഇന്ന് രാവിലെ ലോക്ക് ഡൗണ് പ്രഖ്യാപിച്ചതിന് പിന്നാലെയാണ് ബോറിസ് ജോണ്സണ് ഇന്ത്യ സന്ദര്ശനം മാറ്റിവെക്കുന്നത്.
ഇന്ത്യ സന്ദര്ശിക്കാന് കഴിയാത്തതില് ഖേദം പ്രകടിപ്പിക്കാന് ബോറിസ് ജോണ്സണ് ഇന്ത്യന് പ്രധാനമന്ത്രി നരേന്ദ്ര മോദിയുമായി ഇന്ന് രാവിലെ സംസാരിച്ചിരുന്നു എന്നാണ് റിപ്പോര്ട്ട്. ജനുവരി 26ലെ റിപ്പബ്ളിക് ദിന ചടങ്ങിലെ മുഖ്യാതിഥി ആയിട്ടായിരുന്നു ബോറിസ് ജോണ്സന് ഇന്ത്യയില് നിന്നും ക്ഷണം ലഭിച്ചിരുന്നത്.
Read Also: കോവിഡ് വാക്സിന്; പത്ത് ദിവസത്തിനകം വിതരണത്തിന് തയാറെന്ന് ആരോഗ്യ മന്ത്രാലയം