പാലക്കാട്: കൊപ്പം പഞ്ചായത്തിലെ മണ്ണേങ്ങോട്ട് അനധികൃതമായി കൃഷിഭൂമി മണ്ണിട്ട് നികത്തിയ സംഭവത്തിൽ റവന്യൂ വകുപ്പ് അധികൃതർ സ്റ്റോപ്പ് മെമോ നൽകി. 50 സെന്റിലധികം സ്ഥലത്തെ കൃഷിഭൂമിയാണ് സ്വകാര്യവ്യക്തി മണ്ണിട്ട് നികത്തിയത്. പട്ടാമ്പി തഹസിൽദാർ ടിപി കിഷോറിന്റെ നേതൃത്വത്തിലുള്ള സംഘം പരിശോധന നടത്തിയതിൽ കൃഷിഭൂമി മണ്ണിട്ട് നികത്തിയതായി കണ്ടെത്തി.
തുടർന്ന്, പ്രവൃത്തി നിർത്തിവെക്കാനും സ്ഥലം പൂർവസ്ഥിതിയിലാക്കാനും നിർദ്ദേശം നൽകി. നെൽവയൽ തണ്ണീർത്തട നിയമപ്രകാരം തുടർനടപടി സ്വീകരിക്കാനും തീരുമാനിച്ചതായി തഹസിൽദാർ പറഞ്ഞു. ഡാറ്റാബാങ്കിൽ ഉൾപ്പെട്ട സ്ഥലങ്ങളിൽ അനധികൃതമായി മണ്ണിട്ട് നികത്തുന്നവർക്കെതിരെ കർശന നിയമനടപടി സ്വീകരിക്കുമെന്ന് തഹസിൽദാർ അറിയിച്ചു.
Most Read: ആലപ്പുഴയിലെ കൊലപാതങ്ങൾ; ശക്തമായി അപലപിച്ച് മുഖ്യമന്ത്രി