ന്യൂഡെൽഹി: കേന്ദ്രമന്ത്രി സ്‌മൃതി ഇറാനി നാളെ കേരളത്തിൽ. നാളെ വയനാട് ജില്ലയിൽ സന്ദർശനം നടത്തുമെന്ന് മന്ത്രി ഔദ്യോഗിക ട്വിറ്റർ ഹാന്റിലിൽ വ്യക്‌തമാക്കി. വയനാട് ജില്ലയുടെ വികസനവുമായി ബദ്ധപ്പെട്ട യോഗത്തിലും ജനസമ്പർക്ക പരിപാടികളിലും പങ്കെടുക്കുമെന്നും മന്ത്രി അറിയിച്ചു.
അമേഠിയിൽ നിന്നുള്ള ലോക്‌സഭാ അംഗമാണ് സ്‌മൃതി ഇറാനി. നേരത്തെ രാഹുൽഗാന്ധി പ്രതിനിധാനം ചെയ്‌ത മണ്ഡലത്തിൽ കഴിഞ്ഞ തവണ സ്‌മൃതി ഇറാനി അട്ടിമറി വിജയം നേടുകയായിരുന്നു. എന്നാൽ, കഴിഞ്ഞ വട്ടം അമേഠിയിലും വയനാട്ടിലും മൽസരിച്ച രാഹുൽഗാന്ധി അമേഠിയിൽ പരാജയപ്പെട്ടിരുന്നെങ്കിലും വയനാട്ടിലെ വിജയത്തിലൂടെ ലോക്‌സഭാ അംഗമായി.
ഡെൽഹിയിൽ സജീവമായി പ്രവർത്തിക്കുന്ന രാഹുൽഗാന്ധി വയനാട്ടിൽ ഇടയ്‌ക്ക് സന്ദർശനം നടത്താറുണ്ട്. അതിനാൽ തന്നെ കേന്ദ്രമന്ത്രി സ്‌മൃതി ഇറാനിയുടെ സന്ദർശനത്തിന് രാഷ്‌ട്രീയ പ്രാധ്യാനം ഏറെയാണ്.
Most Read: തൃക്കാക്കര ഉപതിരഞ്ഞെടുപ്പ് മെയ് 31ന്; നാമനിർദ്ദേശ പത്രിക 11 വരെ സമർപ്പിക്കാം
