സൗദി: യമനിലെ ഹൂതികളെ നേരിടാൻ സൗദി അറേബ്യക്ക് യുഎസ് സഹായം. യുഎസ് അനുവദിച്ച പ്രത്യേക വ്യോമ മിസൈലുകൾ ഉടൻ സൗദിയിലെത്തും. യമനിൽ സൗദി സഖ്യസേനാ ആക്രമണത്തിൽ ഒരാഴ്ചക്കിടെ കൊല്ലപ്പെട്ടത് 700ൽ ഏറെ ഹൂതികളാണ്. സൗദിയിലേക്ക് ഹൂതികളുടെ ആക്രമണം കനത്തതോടെയാണ് സൗദി തിരിച്ചടിച്ചത്.
ജോ ബൈഡൻ യുഎസ് പ്രസിഡണ്ടായ ശേഷം ആദ്യമായാണ് സൗദി അറേബ്യക്ക് ആയുധം കൈമാറുന്നത്. 65 കോടി ഡോളറിനാണ് സൗദിയുമായി യുഎസ് കരാർ. അതിര്ത്തി കടന്നുള്ള ആക്രമണങ്ങള് സൗദിക്കെതിരെ വര്ധിച്ച പശ്ചാത്തലത്തിലാണ് യുഎസ് വ്യോമ മിസൈലുകള് സൗദിക്ക് നൽകുന്നത്. യമനിലെ നിയമാനുസൃത ഭരണകൂടത്തെ നിലനിർത്താനുള്ള സൗദി ശ്രമത്തിൽ യുഎസും ഭാഗമാണ്.
ഹൂതി മിലീഷ്യകള് നടത്തുന്ന ആക്രമണങ്ങള് പ്രതിരോധിക്കാന് സൗദി അറേബ്യയെ സഹായിക്കേണ്ടത് അനിവാര്യമാണെന്ന് അമേരിക്ക ചൂണ്ടിക്കാട്ടി. ഇന്നും സൗദിയിലെ അബഹ വിമാനത്താവളത്തിലേക്ക് ഹൂതി ആക്രമണ ശ്രമം നടന്നിരുന്നു. സൗദിക്കെതിരെ നൂറിനടുത്ത് ഡ്രോൺ ആക്രമണങ്ങളാണ് മൂന്ന് മാസത്തിനിടെയുണ്ടായത്.
National News: പത്ത്, പ്ളസ് ടു സിബിഎസ്ഇ പരീക്ഷകൾ ഓഫ്ലൈനായി; മാര്ഗരേഖ പുറത്തിറക്കി