ന്യൂ ഡല്‍ഹി : മയിലിനൊപ്പം സമയം ചിലവഴിക്കുന്ന പ്രധാനമന്ത്രി നരേന്ദ്ര മോദിയുടെ വീഡിയോ സമൂഹമാദ്ധ്യമങ്ങളില്‍ തരംഗമാകുന്നു.മോദി തന്നെ ട്വിറ്ററില്‍ പങ്കുവെച്ച വീഡിയോയാണ് വൈറലാകുന്നത്. ഔദ്യോഗിക വസതിയായ ലോക് കല്യാണ്‍ മാര്‍ഗില്‍ എത്തിയ അരുമയായ മയിലിന് മോദി ഭക്ഷണം കൊടുക്കുന്നതും മയില്‍ പീലി വിടര്‍ത്തിയാടുന്നതുമെല്ലാം വീഡിയോയില്‍ ദൃശ്യമാണ്. പ്രധാനമന്ത്രിയുടെ സവാരിക്കിടയിലും വ്യായാമം ചെയ്യുമ്പോഴുമെല്ലാം അദ്ദേഹത്തിന്റെ പുതിയ സുഹൃത്തിനെയും കാണുന്നുണ്ട്.
1.47 മിനുട്ട് ദൈര്‍ഘ്യമുള്ള വീഡിയോ ‘വിലയേറിയ നിമിഷങ്ങള്‍’ എന്ന അടികുറിപ്പോടു കൂടിയാണ് മോദി പങ്കുവെച്ചിരിക്കുന്നത്. മയിലിനെ വര്‍ണിക്കുന്ന രീതിയിലുള്ള ഹിന്ദി കവിതയുടെ വരികളും ട്വീറ്റില്‍ ഉള്‍പെടുത്തിയിട്ടുണ്ട്.
