കൊല്ലം: പുനലൂരിൽ യുവതിയെ വീടിനകത്ത് മരിച്ച നിലയിൽ കണ്ടെത്തി. മണിയാർ സ്വദേശി മഞ്‌ജുവാണ് (35) മരിച്ചത്. ഇന്ന് രാവിലെയാണ് സംഭവം. മഞ്‌ജുവിന്റെ ഭർത്താവ് മണികണ്‌ഠനെ വീടിനകത്ത് തന്നെ കൈഞരമ്പ് മുറിച്ച നിലയിലും കണ്ടെത്തിയിരുന്നു. ഇയാളെ ആശുപത്രിയിൽ പ്രവേശിപ്പിച്ചിരിക്കുകയാണ്.
ഭർത്താവ് മണികണ്‌ഠൻ മഞ്‌ജുവിനെ ശ്വാസം മുട്ടിച്ചു കൊലപ്പെടുത്തിയതാണെന്നാണ് സംശയം. തലയിണ മുഖത്ത് ഇരിക്കുന്ന അവസ്‌ഥയിലാണ്‌ മഞ്‌ജുവിന്റെ മൃതദേഹം കിടന്നിരുന്നത്. തലയിണ ഉപയോഗിച്ച് യുവതിയെ ശ്വാസം മുട്ടിച്ച് കൊലപ്പെടുത്തിയതിന് ശേഷം മണികണ്‌ഠൻ ആത്‍മഹത്യക്ക് ശ്രമിച്ചതാവാം എന്നാണ് പോലീസിന്റെ പ്രാഥമിക നിഗമനം.
കൂടുതൽ അന്വേഷണങ്ങൾക്കും ചോദ്യം ചെയ്യലുകൾക്കും ശേഷം മാത്രമേ ഇതിൽ കൃത്യമായ വിവരം ലഭ്യമാകുകയുള്ളൂവെന്നും പോലീസ് പറഞ്ഞു. മഞ്‌ജുവും മണികണ്‌ഠനും തമ്മിൽ എന്നും വഴക്കും ബഹളവും ഉണ്ടാവാറുണ്ടെന്നാണ് പോലീസ് പറയുന്നത്.
Most Read: ഗോൾവാൾക്കർ പരാമർശം; വിഡി സതീശന് ആർഎസ്എസ് നോട്ടീസ്
