ലഖ്നൗ: റായ്ബറേലിയില് നടത്തിയ തിരഞ്ഞെടുപ്പ് പ്രചാരണ ജാഥക്കിടെ കോണ്ഗ്രസിനെതിരെ രൂക്ഷ വിമര്ശനവുമായി ഉത്തര്പ്രദേശ് മുഖ്യമന്ത്രി യോഗി ആദിത്യനാഥ്. സോണിയ ഗാന്ധിയുടെ നേതൃത്വത്തിലുള്ള കോണ്ഗ്രസ് അരാജകത്വത്തിന്റെയും അഴിമതിയുടെ ഭീകരവാദത്തിന്റെയും വേരായി പ്രവര്ത്തിക്കുകയാണെന്ന് യോഗി ആരോപിച്ചു.
സംസ്ഥാനത്തെ നിയമസഭാ തിരഞ്ഞെടുപ്പിന് മുന്നോടിയായി ബിജെപി സംഘടിപ്പിച്ച ‘ജന് വിശ്വാസ് യാത്ര’യില് സംസാരിക്കുകയായിരുന്നു യോഗി.
കോണ്ഗ്രസ് രാജ്യത്തിനൊരു പ്രശ്നമാണ്. വിദേശഭരണം റായ്ബറേലി ഒരിക്കലും അംഗീകരിച്ചിട്ടില്ല. ഭാഷയുടെയും മതത്തിന്റെയും പേരില് വിവേചനം വളര്ത്തുന്ന പാര്ട്ടിയാണ് കോണ്ഗ്രസെന്നും യോഗി തന്റെ പ്രസംഗത്തില് ആരോപിച്ചു. കൂടാതെ ”ഈ പാര്ട്ടിയുടെ കൊടി നാട്ടിയ വണ്ടി കണ്ടാല് അതിനുള്ളില് ഗുണ്ടകളുണ്ടാകുമെന്ന് ജനങ്ങള്ക്കറിയാം,” എന്നായിരുന്നു സമാജ്വാദി പാര്ട്ടിയെ ഉന്നംവെച്ച് യോഗി പറഞ്ഞത്.
Read also: മാതാ വൈഷ്ണോദേവി ക്ഷേത്രത്തിലെ അപകടം; മരണം 12 ആയി ഉയർന്നു