ഷൊര്ണൂര്: അനധികൃതമായി കൊണ്ടുവന്ന 40 ലക്ഷം രൂപയുമായി യുവാവ് അറസ്റ്റില്. മലപ്പുറം വേങ്ങര വലിയോറ കോഴിക്കാട്ടില് ശെരീഫാണ് (36) റെയില്വേ പൊലീസിന്റെ പിടിയിലായത്. ബുധനാഴ്ച റെയില്വേ സ്റ്റേഷനില് സംശയാസ്പദമായ സാഹചര്യത്തില് കണ്ട ഇയാളെ കസ്റ്റഡിയിലെടുത്ത് ചോദ്യം ചെയ്തപ്പോഴാണ് ബാഗില് വെച്ചിരുന്ന തുക കണ്ടെത്തിയതെന്ന് പൊലീസ് പറഞ്ഞു. തമിഴ്നാട്ടില്നിന്നാണ് രേഖകളില്ലാതെ പണം കൊണ്ടുവന്നത്. തുക കോടതിയില് ഹാജരാക്കി. എസ്ഐമാരായ പി ജംഷീദ്, സക്കീര് അഹമ്മദ്, എഎസ്ഐ വിഎ ജോസഫ്, സിപിഒ സിറാജുദ്ദീന് എന്നിവരാണ് സംഘത്തിലുണ്ടായിരുന്നത്.
Read also: ടിപ്പർ മിനിലോറിയിൽ ഇടിച്ച് മറിഞ്ഞു; ബൈക്ക് യാത്രക്കാരന് ഗുരുതര പരിക്ക്