തിരുവനന്തപുരം: സംസ്‌ഥാനത്ത് പുതിയ കോവിഡ് കേസുകൾ ഗണ്യമായി വർധിക്കുന്നുവെന്ന് ആരോഗ്യമന്ത്രി വീണ ജോർജ്. കഴിഞ്ഞ ആഴ്‌ചത്തെക്കാൾ 100 ശതമാനം അധിക കേസുകൾ സംസ്‌ഥാനത്ത് റിപ്പോർട് ചെയ്‌തുവെന്ന് പറഞ്ഞ മന്ത്രി ജനങ്ങൾ കോവിഡ് മാനദണ്ഡങ്ങൾ കർശനമായി പാലിച്ച് ജാഗ്രത പുലർത്തണമെന്നും നിർദ്ദേശിച്ചു.
എല്ലാ ജില്ലയിലും രോഗികൾ കൂടി. സമ്പർക്കം വഴിയാണ് കൂടുതൽ കേസുകളും റിപ്പോർട് ചെയ്യുന്നത്. 20 മുതൽ 40 വയസ് വരെ പ്രായപരിധിയിൽ ഉള്ളവരിലാണ് രോഗബാധ കൂടുതൽ. പുതിയ കോവിഡ് കേസുകളിൽ കൂടുതലും ഡെൽറ്റാ വകഭേദമാണ്; മന്ത്രി വ്യക്‌തമാക്കി.
അതേസമയം സംസ്‌ഥാനത്ത് ഒമൈക്രോൺ ക്ളസ്‌റ്ററുകൾ നിലവിൽ കണ്ടെത്തിയിട്ടില്ലെന്നും മന്ത്രി അറിയിച്ചു.
‘345 പേർക്കാണ് ഇതുവരെ ഒമൈക്രോൺ സ്‌ഥിരീകരിച്ചത്. ഇതിൽ 155 പേർ രോഗമുക്‌തരായി. വരും ദിവസങ്ങളിൽ ആശുപത്രികളിൽ രോഗികളുടെ എണ്ണം വർധിക്കാൻ സാധ്യതയുണ്ട്. ഇതിനുള്ള തയ്യാറെടുപ്പുകൾക്കായി നിർദ്ദേശം നൽകിയിട്ടുണ്ട്’, മന്ത്രി അറിയിച്ചു.
സംസ്‌ഥാനത്തെ ആദ്യ ഡോസ് വാക്‌സിനേഷൻ 99 ശതമാനവും രണ്ടാം ഡോസ് 82 ശതമാനവും കടന്നതായും മന്ത്രി അറിയിച്ചു. കുട്ടികൾക്കുള്ള വാക്‌സിനേഷൻ 39 ശതമാനത്തിലെത്തിയെന്നും 60421 പേർക്ക് ഇതുവരെ കരുതൽ ഡോസ് വാക്‌സിൻ നൽകിയതായും മന്ത്രി കൂട്ടിച്ചേർത്തു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
