തിരുവനന്തപുരം : സംസ്ഥാനത്ത് ഇന്ന് മുതൽ 15 ജോഡി സ്പെഷ്യൽ ട്രെയിനുകൾ സർവീസ് പുനഃരാരംഭിക്കും. കോവിഡ് വ്യാപനത്തെ തുടർന്ന് ഏർപ്പെടുത്തിയ നിയന്ത്രണങ്ങളിൽ ഇളവുകൾ നൽകി തുടങ്ങിയതോടെയാണ് ട്രെയിൻ സർവീസുകൾ പുനഃരാരംഭിക്കാൻ തീരുമാനമായത്. റിസർവേഷൻ എല്ലാ ട്രെയിനുകളിലും നിർബന്ധമാക്കിയിട്ടുണ്ട്. റിസർവ് ചെയ്യാത്ത യാത്രക്കാർക്ക് യാത്ര ചെയ്യാൻ അനുമതി ഉണ്ടായിരിക്കില്ല.
തിരുവനന്തപുരം–കോഴിക്കോട് ജനശതാബ്ദി, തിരുവനന്തപുരം–കണ്ണൂർ ജനശതാബ്ദി, എറണാകുളം–കണ്ണൂർ ഇന്റർസിറ്റി, മംഗളൂരു–നാഗർകോവിൽ ഏറനാട്, തിരുവനന്തപുരം–ഷൊർണൂർ വേണാട്, എറണാകുളം– തിരുവനന്തപുരം വഞ്ചിനാട്, ആലപ്പുഴ–കണ്ണൂർ എക്സിക്യൂട്ടീവ്, പുനലൂർ–ഗുരുവായൂർ എക്സ്പ്രസ്, ഗുരുവായൂർ–തിരുവനന്തപുരം ഇന്റർസിറ്റി, തിരുവനന്തപുരം–മംഗളൂരു (06347/48) എക്സ്പ്രസ്, തിരുനെൽവേലി–പാലക്കാട് പാലരുവി, എറണാകുളം–കാരക്കൽ എക്സ്പ്രസ്, എറണാകുളം–ബെംഗളൂരു ഇന്റർസിറ്റി , കൊച്ചുവേളി–മൈസൂരു എക്സ്പ്രസ്, ചെന്നൈ എഗ്മൂർ–ഗുരുവായൂർ എന്നീ സർവീസുകളാണ് ഇന്ന് മുതൽ പുനഃരാരംഭിക്കുക.
ഇന്ന് മുതൽ സർവീസ് ആരംഭിക്കുമെങ്കിലും ഏറനാട് ഉൾപ്പടെ കേരളത്തിന് പുറത്തേക്ക് പോകുന്ന ട്രെയിനുകളുടെ മടക്കയാത്ര നാളെ മാത്രമേ ഉണ്ടായിരിക്കുള്ളൂ. കൂടാതെ പാലരുവിയുടെ ആദ്യ സർവീസ് നാളെയാണ് കേരളത്തിൽ എത്തുകയെന്നും അധികൃതർ വ്യക്തമാക്കി.
Read also : കുതിപ്പ് തുടർന്ന് പെട്രോൾ-ഡീസൽ വില; ഇന്നും കൂട്ടി