തൃശൂർ : ജില്ലയിൽ മെഡിക്കൽ കോളേജ് പരിസരത്ത് തെരുവിൽ അലയുന്ന 9 ആളുകളിൽ കോവിഡ് സ്ഥിരീകരിച്ചു. ഇതേ തുടർന്ന് ഇവിടെ 150ഓളം ആളുകളെ നിലവിൽ നിരീക്ഷണത്തിലാക്കി. മെഡിക്കൽ കോളേജ് പരിസരത്തായി കോവിഡ് മാനദണ്ഡങ്ങൾ പാലിക്കാതെ നിരവധി ആളുകൾ അലഞ്ഞു തിരിയുന്നതായി പരാതി ഉയർന്നിരുന്നു. ഇതിനെ തുടർന്ന് തദ്ദേശ സ്ഥാപനങ്ങളും മെഡിക്കല് കോളജ് അധികൃതരും പോലീസും ചേര്ന്ന് നടത്തിയ പരിശോധനയിലാണ് കോവിഡ് ബാധിതരെ കണ്ടെത്തിയത്.
കോവിഡ് പോസിറ്റീവ് ആയവരെ നിലവിൽ മെഡിക്കല് കോളജ് ആശുപത്രിയിലേക്ക് മാറ്റിയിട്ടുണ്ട്. കൂടാതെ നെഗറ്റീവ് ആയവരെ നഗരസഭയുടേയും പഞ്ചായത്തിന്റേയും ഡൊമിസിലിയറി സെന്ററുകളിലേക്കും മാറ്റി. ജില്ലാ ഭരണകൂടത്തിന്റെ നിര്ദ്ദേശ പ്രകാരമാണ് നടപടി സ്വീകരിച്ചത്. ആശുപത്രി പരിസരത്തായി കോവിഡ് മാനദണ്ഡങ്ങൾ പാലിക്കാതെ ആളുകൾ അലഞ്ഞു തിരിയുന്നതായി പരാതി ഉയർന്ന സാഹചര്യത്തിൽ മെഡിക്കല് കോളജ് സൂപ്രണ്ട് ഡോക്ടർ ബിജു കൃഷ്ണന്, നഗരസഭ – പഞ്ചായത്ത് അധികൃതര്, മെഡിക്കല് കോളേജ് പോലീസ് തുടങ്ങിയവരുടെ നേതൃത്വത്തിലാണ് പരിശോധന നടത്തിയത്.
Read also : ലോക്ക്ഡൗൺ മെയ് 23 വരെ നീട്ടി; 4 ജില്ലകളിൽ കടുത്ത നിയന്ത്രണങ്ങൾ; മുഖ്യമന്ത്രി