കണ്ണൂർ: കണ്ണൂർ സർവകലാശാലയുടെ സൈക്കോളജി പരീക്ഷയിൽ ചോദ്യപേപ്പർ ആവർത്തിച്ചത് ഗുരുതര വീഴ്‌ചയെന്ന് പരീക്ഷാ കൺട്രോളർ പിജെ വിൻസന്റ്. ചോദ്യപേപ്പർ തയ്യാറാക്കിയ അധ്യാപകരുടെ വീഴ്‌ച പരിശോധിച്ച് വരികയാണ്. ഇവരെ കരിമ്പട്ടികയിൽ ഉൾപ്പെടുത്തുന്നത് അടക്കമുള്ള നടപടികൾ സ്വീകരിക്കുമെന്നും അദ്ദേഹം പറഞ്ഞു.
റദ്ദാക്കിയ നവംബർ 2021 സെഷൻ സൈക്കോളജി ബിരുദം മൂന്നാം സെമസ്‌റ്റർ പരീക്ഷകൾ മെയ് ആദ്യവാരം നടത്തുമെന്നും അദ്ദേഹം അറിയിച്ചു. ഏപ്രിൽ 21, 22 തീയതികളിലാണ് പരീക്ഷ നടന്നത്. ഇരുപരീക്ഷകൾക്കും നൽകിയത് കഴിഞ്ഞ വർഷം നൽകിയ അതേ ചോദ്യപേപ്പറാണെന്ന് കണ്ടെത്തിയതിനെ തുടർന്നാണ് പരീക്ഷകൾ റദ്ദാക്കിയത്. വിദ്യാർഥി സംഘടനകൾ ഇതിനെതിരെ പ്രതിഷേധവുമായി എത്തിയിരുന്നു.
Most Read: ചോദ്യപേപ്പറിന് പകരം ഉത്തരസൂചിക; കേരളാ യൂണിവേഴ്‌സിറ്റിക്ക് എതിരെ പരാതി
