പതങ്കയം വെള്ളച്ചാട്ടത്തിൽ കാണാതായ ടൂറിസ്റ്റ് ഗൈഡിന്റെ മൃതദേഹം കണ്ടെത്തി
മലപ്പുറം കീഴ്ശ്ശേരി വട്ടോളി കണ്ണംകുത്ത് ഷിബിൽ റഹ്മാന്റെ (25) മൃതദേഹമാണ് മൂന്ന് ദിവസത്തിന് ശേഷം കണ്ടെത്തിയത്. ബെംഗളൂരുവിൽ നിന്നും എത്തിയ 12 അംഗ വിനോദസഞ്ചാര സംഘത്തിന്റെ ഗൈഡായി എത്തിയതായിരുന്നു ഷിബിൽ.
കോഴിക്കോട്: ജില്ലയിലെ കോടഞ്ചേരി പതങ്കയം വെള്ളച്ചാട്ടത്തിൽ കാണാതായ യുവാവിന്റെ മൃതദേഹം കണ്ടെത്തി. ടൂറിസ്റ്റ് ഗൈഡായ മലപ്പുറം കീഴ്ശ്ശേരി വട്ടോളി കണ്ണംകുത്ത് ഷിബിൽ റഹ്മാന്റെ (25) മൃതദേഹമാണ് മൂന്ന് ദിവസത്തിന് ശേഷം കണ്ടെത്തിയത്.
ബെംഗളൂരുവിൽ നിന്നും എത്തിയ 12 അംഗ വിനോദസഞ്ചാര സംഘത്തിന്റെ ഗൈഡായി എത്തിയതായിരുന്നു ഷിബിൽ. സംഘത്തിലെ നാലുപേർ പുഴയിൽ ഒഴുക്കിൽപ്പെട്ടപ്പോൾ ഷിബിൽ ഇവരെ രക്ഷിക്കാൻ ഇറങ്ങിയതായിരുന്നു. എന്നാൽ, ഷിബിലും ഒഴുക്കിൽപ്പെടുകയായിരുന്നു.
ആനക്കാംപൊയിൽ കണ്ടപ്പൻചാൽ തൂക്കുപാലത്തിന് അടിയിലാണ് സംഘം കുളിക്കാനായി ഇറങ്ങിയത്. വനമേഖലയിൽ കനത്ത മഴ പെയ്തതോടെ ഇരവഞ്ഞിപ്പുഴയിൽ അപ്രതീക്ഷിതമായി മലവെള്ളപ്പാച്ചിൽ ഉണ്ടായി. സംഘത്തിൽ ഉണ്ടായിരുന്ന ബെംഗളൂരു സ്വദേശികളായ നിഖിത, പ്രണിൻ, കിഷോർ, എന്നിവർ ഒഴുക്കിൽപ്പെട്ടത് കണ്ടതോടെയാണ് ഷിബിൽ പുഴയിൽ ചാടിയത്.
എന്നാൽ, ഷിബിലും ഒഴുക്കിൽപ്പെടുകയായിരുന്നു. തുടർന്ന് മുക്കത്ത് നിന്നെത്തിയ ഫയർഫോഴ്സ് ഉദ്യോഗസ്ഥരും നടത്തിയ അടിയന്തര രക്ഷാപ്രവർത്തനത്തിൽ വിനോദസഞ്ചാരികളെ സുരക്ഷിത സ്ഥാനത്തേക്ക് എത്തിച്ചു. കാണാതായ ഷിബിലിന് വേണ്ടി തിരച്ചിൽ നടത്തിയെങ്കിലും മൃതദേഹം കണ്ടെത്താനായിരുന്നില്ല.
തിരച്ചിലിന്റെ മൂന്നാം ദിനമാണ് ഷിബിലിന്റെ മൃതദേഹം കണ്ടെത്തുന്നത്. പതങ്കയത്ത് പുഴയിൽ ഇറങ്ങുന്നതിന് കോടഞ്ചേരി ഗ്രാമപഞ്ചായത്ത് വിലക്ക് ഏർപ്പെടുത്തിയിട്ടുണ്ടെങ്കിലും ഇത് മറികടന്നാണ് പുഴയുടെ മറ്റു സ്ഥലങ്ങളിലൂടെ വിനോദസഞ്ചാരികൾ പുഴയിൽ ഇറങ്ങുന്നത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
