തിരുവനന്തപുരം: സംസ്ഥാനത്ത് ഓണപ്പരീക്ഷയിൽ മാറ്റം. ഓണാഘോഷ ദിവസത്തെ പരീക്ഷയാണ് മാറ്റിയത്. 21ആം തീയതി നടക്കേണ്ട എട്ടാം ക്ളാസ് പരീക്ഷ ഓണാവധിക്ക് ശേഷം നടത്താനാണ് തീരുമാനം. സ്കൂളുകളിലെ ഓണാഘോഷ ദിവസം പരീക്ഷ നടത്തുന്നതിൽ വിദ്യാർഥികളും അധ്യാപകരും വ്യാപകമായി പരാതി ഉന്നയിച്ചിരുന്നു.
21ന് ഓണാഘോഷം നടത്തി അന്ന് സ്കൂളുകൾ അടയ്ക്കും. 31നാണ് സ്കൂൾ തുറക്കുക. മാറ്റിയ പരീക്ഷ സെപ്തംബർ ഒന്നിന് നടത്താനാണ് തീരുമാനം. എൽപി, യുപി, ഹൈസ്കൂൾ വിഭാഗങ്ങളിൽ 13നും ഹയർ സെക്കൻഡറി വിഭാഗത്തിൽ 14നുമാണ് പരീക്ഷ തുടങ്ങിയത്. രാവിലെ 10 മുതൽ 12.15 വരെയും ഉച്ചകഴിഞ്ഞ് 1.30 മുതൽ 3.45 വരെയുമാണ് പരീക്ഷ നടക്കുന്നത്.
Most Read| ‘ഇന്ത്യൻ ഡോറി’; അറബിക്കടലിൽ പുതിയ ഇനം മൽസ്യത്തെ കണ്ടെത്തി
