ഇടുക്കി: വാഗമൺ പാലൊഴുകും പാറ വെള്ളച്ചാട്ടത്തിൽ കുളിക്കാനിറങ്ങിയ യുവാവ് മുങ്ങിമരിച്ചു. ആലപ്പുഴ ശവക്കോട്ടപ്പാലം സ്വദേശി രോഹിത് ചാക്കോ (23) ആണ് മരിച്ചത്. ആലപ്പുഴയിൽ നിന്ന് വാഗമൺ സന്ദർശിക്കാൻ നാലംഗ സംഘത്തിനൊപ്പം എത്തിയതായിരുന്നു രോഹിത്. കുളിക്കുന്നതിനിടെ ചുഴിയിൽ അകപ്പെടുകയായിരുന്നു.
ഫയർ ഫോഴ്‌സും പോലീസും നാട്ടുകാരും ചേർന്ന് നടത്തിയ തിരച്ചിലിനൊടുവിലാണ് മൃതദേഹം കണ്ടെത്തിയത്. പോസ്‌റ്റുമോർട്ടം നടപടികൾക്കായി മൃതദേഹം കോട്ടയം മെഡിക്കൽ കോളേജിലേക്ക് മാറ്റി.
Most Read: ഗോതമ്പില്ല, പകരം റാഗിയും ആട്ടയും; ആദിവാസി ഊരുകൾക്കുള്ള ഭക്ഷ്യധാന്യങ്ങളിൽ മാറ്റം
