തിരുവനന്തപുരം: തിരുവനന്തപുരം വിമാനത്താവളത്തിൽ നിന്നും മാലിദ്വീപിലേക്കുള്ള വിമാന സർവീസുകളുടെ എണ്ണത്തിൽ വർധന. ബുധൻ, ഞായർ എന്നീ ദിവസങ്ങളിലാണ് പുതിയ സർവീസുകൾ ആരംഭിക്കുന്നത്. നിലവിൽ തിങ്കൾ, ശനി, വ്യാഴം എന്നീ ദിവസങ്ങളിലാണ് മാലിദ്വീപിലേക്ക് വിമാന സർവീസുകൾ ഉള്ളത്. മെയ് 29ആം തീയതി മുതലാണ് അധിക സർവീസുകൾ ആരംഭിക്കുന്നത്.
അതേസമയം തന്നെ മാലിദ്വീപിലെ ഹാനിമാധുവിലേക്ക് മാൽഡീവിയൻ എയർലൈൻസിന്റെ സർവീസ് പുനഃരാരംഭിക്കുകയും ചെയ്‌തു. തിരുവനന്തപുരം വിമാനത്താവളത്തിൽ നിന്നും ഹാനിമാധുവിലേക്ക് ആഴ്‌ചയിൽ ഞായർ, വ്യാഴം ദിവസങ്ങളിലാണ് സർവീസ്.
തിരുവനന്തപുരത്ത് നിന്നും കൂടുതൽ വിമാന സർവീസുകൾ ആരംഭിക്കുന്നതോടെ മാലിദ്വീപിൽ നിന്നും ചികിൽസക്കായി കേരളത്തിൽ എത്തുന്നവർക്ക് അത് പ്രയോജനം ചെയ്യും. കൂടാതെ കേരളം, തമിഴ്‌നാട് എന്നിവിടങ്ങളിൽ നിന്നും മാലിദ്വീപിൽ ജോലി ചെയ്യുന്ന ആളുകൾക്കും അധിക വിമാനസർവീസുകൾ ഗുണം ചെയ്യും.
Read also: മോഡൽ ഷഹാനയുടെ ദുരൂഹ മരണം; ബന്ധുക്കളുടെ മൊഴി എടുത്തു
