കരള്‍ നമ്മുടെ ശരീരത്തിലെ രണ്ടാമത്തെ വലിയ അവയവമാണ്. ഭക്ഷണം, പാനീയങ്ങള്‍ എന്നിവയില്‍ നിന്നുള്ള പോഷകങ്ങള്‍ വേര്‍തിരിക്കുന്നതിനും രക്‌തത്തില്‍ നിന്ന് ദോഷകരമായ വസ്‌തുക്കള്‍ ഫില്‍ട്ടര്‍ ചെയ്യുന്നതിനും ഇത് സഹായിക്കുന്നു. കരളിനെ ബാധിക്കുന്ന രോഗങ്ങള്‍ നിരവധിയാണ്. അതില്‍ പ്രധാനപ്പെട്ടതാണ് ലിവര്‍ സിറോസിസ്, ഫാറ്റി ലിവര്‍ തുടങ്ങിയ കരള്‍ രോഗങ്ങള്‍. ഇവയെല്ലാം പലപ്പോഴും നമ്മുടെ മരണത്തിലേക്ക് വരെ നമ്മെ എത്തിക്കുന്നുണ്ട്.
ഫാറ്റി ലിവര്‍ ആണ് പലപ്പോഴും ഏറ്റവും പ്രധാന പ്രശ്‌നം. ഇതിനെ ഹെപ്പാറ്റിക് സ്‌റ്റീറ്റോസിസ് എന്നും അറിയപ്പെടുന്നു. കരളില്‍ കൊഴുപ്പ് വര്‍ദ്ധിക്കുമ്പോള്‍ ആണ് ഇത് സംഭവിക്കുന്നത്. കരളില്‍ കൊഴുപ്പ് ചെറിയ അളവില്‍ അടങ്ങിയിരിക്കുന്നത് സാധാരണമാണ്. പക്ഷേ വളരെയധികമായാല്‍ അത് കൂടുതല്‍ ആരോഗ്യ പ്രശ്‌നങ്ങള്‍ക്ക് കാരണമാകും. ഇത് കരളിനെ തകരാറിലാക്കുകയും പ്രശ്‌നങ്ങള്‍ സൃഷ്‌ടിക്കുകയും ചെയ്യും.
ആല്‍ക്കഹോളിക് ഫാറ്റി ലിവറും നോണ്‍- ആല്‍ക്കഹോളിക് ഫാറ്റി ലിവറും
ധാരാളം മദ്യം കഴിക്കുന്ന ഒരാളില്‍ ഫാറ്റി ലിവര്‍ വികസിക്കുമ്പോള്‍, അതിനെ ആല്‍ക്കഹോളിക് ഫാറ്റി ലിവര്‍ ഡിസീസ് എന്ന് വിളിക്കുന്നു. മദ്യം കഴിക്കാത്ത ഒരാളില്‍, ഇത് നോണ്‍- ആല്‍ക്കഹോളിക് ഫാറ്റി ലിവര്‍ ഡിസീസ് എന്നറിയപ്പെടുന്നു.
ലക്ഷണങ്ങള്‍
ഭൂരിഭാഗം പേരിലും ഫാറ്റി ലിവര്‍ ശ്രദ്ധേയമായ ലക്ഷണങ്ങളൊന്നും ഉണ്ടാക്കുന്നില്ല. എന്നാല്‍ അമിതമായ ക്ഷീണമോ വയറിന്റെ മുകളില്‍ വലതുവശത്ത് അസ്വസ്‌ഥതയോ വേദനയോ അനുഭവപ്പെടാം. ഫാറ്റി ലിവര്‍ രോഗമുള്ള ചിലര്‍ക്ക് കരളില്‍ വടുക്കള്‍ ഉള്‍പ്പെടെയുള്ള പ്രശ്‌നങ്ങള്‍ ഉണ്ടാകുന്നു. കരളിലുണ്ടാവുന്ന ഇത്തരം പാടുകള്‍ കരള്‍ ഫൈബ്രോസിസ് എന്നറിയപ്പെടുന്നു. വിശപ്പ് കുറയുന്നു, ഭാരനഷ്‌ടം, ബലഹീനത, ക്ഷീണം, മൂക്കടപ്പ്, ചൊറിച്ചില്‍ മഞ്ഞ തൊലിയും കണ്ണുകളും, ചര്‍മ്മത്തിന് കീഴിലുള്ള രക്‌തക്കുഴലുകളുടെ പ്രശ്‌നങ്ങള്‍, വയറുവേദന, കാലുകളുടെ വീക്കം, പുരുഷൻമാരില്‍ സ്‌തനവളര്‍ച്ച, ആശയക്കുഴപ്പം എന്നിവയും ഇതിന്റെ ലക്ഷണങ്ങളില്‍ ഉള്‍പ്പെടുന്നു.
കാരണങ്ങള്‍
അമിതവണ്ണം, രക്‌തത്തിലെ പഞ്ചസാരയുടെ അളവ് കൂടുതല്‍, ഇന്‍സുലിന്‍ പ്രതിരോധം, നിങ്ങളുടെ രക്‌തത്തിലെ കൊഴുപ്പ്, പ്രത്യേകിച്ച് ട്രൈഗ്ളിസറൈഡുകള്‍ കുറഞ്ഞ അവസ്‌ഥ എന്നിവയെല്ലാം ഇത്തരം അവസ്‌ഥകള്‍ വര്‍ദ്ധിപ്പിക്കുന്നുണ്ട്. മദ്യപിക്കാത്തവരില്‍ പലപ്പോഴും ഇത് അസ്വസ്‌ഥതകള്‍ വര്‍ദ്ധിപ്പിക്കുന്നുണ്ട്. ഇതെല്ലാം സാധാരണ കാരണങ്ങളില്‍ പെടുന്നവയാണ്. ചില പ്രത്യേക ജീനുകള്‍ പലപ്പോഴും ഇത്തരം രോഗാവസ്‌ഥകള്‍ വര്‍ദ്ധിപ്പിക്കുന്നതിന് കാരണമാകുന്നുണ്ട്.
ശ്രദ്ധിക്കേണ്ട കാരങ്ങള്‍
ശരീരഭാരം കുറക്കുക, നിങ്ങളുടെ മദ്യപാനം കുറക്കുക, അധിക കലോറി, പൂരിത കൊഴുപ്പ്, ട്രാന്‍സ് ഫാറ്റ് എന്നിവ കുറവുള്ള പോഷക സമ്പുഷ്‌ടമായ ഭക്ഷണം കഴിക്കുക. ആഴ്‌ചയിലെ മിക്ക ദിവസങ്ങളിലും കുറഞ്ഞത് 30 മിനിറ്റ് വ്യായാമം ചെയ്യേണ്ടതാണ്. കൊഴുപ്പ് കരള്‍ രോഗം മൂലമുണ്ടാകുന്ന കരള്‍ തകരാറുകള്‍ തടയാനോ ചികില്‍സിക്കാനോ വിറ്റാമിന്‍ ഇ സപ്പ്ളിമെന്റുകള്‍ സഹായിക്കുന്നു.
