തിരുവനന്തപുരം: സംസ്ഥാനത്തെ എല്ലാ മദ്യവിൽപന ശാലകളും ബാറുകളും നാളെ അടച്ചിടും. ജൂൺ 26ആം തീയതി അന്താരാഷ്ട്ര ലഹരിവിരുദ്ധ ദിനമായി ആചരിക്കുന്നതിനാലാണ് സംസ്ഥാനത്ത് നാളെ സമ്പൂർണ ഡ്രൈ ഡേ ആയിരിക്കുമെന്ന് അധികൃതർ വ്യക്തമാക്കിയത്.
ബിവറേജസ് കോര്പ്പറേഷന്റെയോ കണ്സ്യൂമര് ഫെഡിന്റെയോ മദ്യവിൽപന ശാലകളും പ്രീമിയം മദ്യവിൽപന ശാലകളും നാളെ തുറക്കില്ല. സംസ്ഥാനത്തെ സ്വകാര്യ ബാറുകൾക്കും നാളെ അവധി ബാധകമായിരിക്കും.
ലഹരിവിരുദ്ധ പ്രചാരണങ്ങൾക്ക് പിന്തുണയെന്ന നിലയിൽ സംസ്ഥാനത്തെ മദ്യഷോപ്പുകൾക്ക് നാളെ അവധി നൽകിയ വാർത്ത സാമൂഹമാദ്ധ്യമങ്ങളിൽ വൈറലായതിന് പിന്നാലെ മദ്യവിൽപന ശാലകളിൽ വലിയ തിരക്കാണ് അനുഭവപ്പെടുന്നത്. 1987ൽ ഐക്യരാഷ്ട്രസഭ മുൻകൈയ്യെടുത്താണ് ജൂൺ 26ആം തീയതി അന്താരാഷ്ട്ര ലഹരിവിരുദ്ധ ദിനാചരണം ആരംഭിച്ചത്.
Read also: കട്ടപ്പനയിൽ മന്ത്രി റോഷി അഗസ്റ്റിന് നേരെ കരിങ്കൊടി പ്രതിഷേധം