സേവനവഴിയിലേക്ക് 500 അംഗങ്ങളെ കാന്തപുരം എപി അബൂബക്കർ മുസ്ലിയാർ സമർപ്പിച്ചു
സമസ്ത നൂറാം വാർഷിക ഭാഗമായി നിലമ്പൂർ സോൺ കേരള മുസ്ലിം ജമാഅത്തിന്റെ കീഴിലായി 500 സെന്റിനറി ഗാർഡ് അംഗങ്ങളെ സമസ്ത കേരള ജംഇയ്യത്തുൽ ഉലമ ജനറൽ സെക്രട്ടറി കാന്തപുരം എപി അബൂബക്കർ മുസ്ലിയാർ മത-സാമൂഹ്യ സേവനരംഗത്തേക്ക് സമർപ്പണം നിർവഹിച്ചു.
നിലമ്പൂർ സോൺ സമസ്ത സെന്റിനറി ഗാർഡങ്ങളെ സമൂഹത്തിന് സമർപ്പിച്ച് പ്രഭാഷണം നിർവഹിക്കുന്ന സമസ്ത കേരള ജം ഇയ്യത്തുൽ ഉലമ ജനറൽ സെക്രട്ടറി കാന്തപുരം എപി അബൂബക്കർ മുസ്ലിയാർ.
മലപ്പുറം: കേരള മുസ്ലിം ജമാഅത്തിന്റെ കീഴിലുള്ള പള്ളി,മഹല്ല് ജമാഅത്ത്, മദ്രസ മാനേജിംഗ് കമ്മിറ്റിയംഗങ്ങളും എസ്വൈഎസ്, എസ്എസ്എഫ് ഉൾപ്പെടെയുള്ള സംഘടനകളിൽ നിന്നും പ്രത്യേകം തെരഞ്ഞെടുക്കപ്പെട്ട പ്രതിനിധികളെയാണ് കാന്തപുരം നാടിനായി സമർപ്പിച്ചത്.
കഠിനാധ്വാനം ചെയ്തും ത്യാഗങ്ങൾ സഹിച്ചും നിർമിച്ചെടുത്ത സ്ഥാപനങ്ങളും മഹല്ല് ജമാഅത്തുകളും അഹ്ലുസുന്നയുടെ നേർവഴിയിൽ തുടർന്നും ചലിപ്പിക്കാൻ അദ്ദേഹം പ്രതിനിധികളോട് ആവശ്യപ്പെട്ടു. നാടിന്റെ പുരോഗതിക്കാവശ്യമായ കാര്യങ്ങൾ ജാതി-മത കക്ഷി രാഷ്ട്രീയഭേദമന്യേ ഒരുമയോടെ ചെയ്തു തീർക്കാൻ കമ്മിറ്റി ഭാരവാഹികൾ മുന്നിട്ടിറങ്ങണം. ഇപ്രകാരം കൂട്ടായമയിലൂടെ വിജയം വരിക്കുന്ന മാതൃകാ സ്ഥാപനങ്ങളായി മാറാൻ നമുക്കാകണം. സമർപ്പണ സംഗമത്തിൽ വിഷയമവതരിപ്പിച്ച് സംസാരിച്ച കേരളമുസ് ലിം ജമാഅത്ത് ജില്ല സെക്രട്ടറി കെടി ത്വാഹിർ സഖാഫി മഞ്ചേരി പറഞ്ഞു.
സമസ്ത ജില്ലാ സെക്രട്ടറി മിഖ്ദാദ് ബാഖവി അധ്യക്ഷത വഹിച്ചു. ജില്ല പ്രസിഡണ്ട് കൂറ്റമ്പാറ അബ്ദുറഹ്മാൻ ദാരിമി ഉൽഘാടനം ചെയ്തു. ജില്ലാ സെക്രട്ടറി കെപി ജമാൽ കരുളായി, സോൺ പ്രസിഡണ്ട് സുലൈമാൻ ദാരിമി വല്ലപ്പുഴ, സെക്രട്ടറി ഹംസ സഖാഫി മാമ്പറ്റ, അക്ബർ ഫൈസി മമ്പാട്, അലവിക്കുട്ടി ഫൈസി എടക്കര, സി കെ നാസർ മുസ്ലിയാർ എന്നിവർ ചടങ്ങിൽ പ്രസംഗിച്ചു.
അബ്ദുൽ മജീദ് സഖാഫി പൊട്ടിക്കല്ല്, ശൗക്കത്ത് സഖാഫി കരുളായി, കൊമ്പൻ മുഹമ്മദ് ഹാജി, ഖാദർ ഹാജി നിലമ്പൂർ, സ്വഫ്വാൻ അസ്ഹരി, അശ്റഫ് കൂറ്റമ്പാറ നേതൃത്വം എന്നിവർ നൽകി. പ്രതിനിധികൾ മഹ്ളറത്തുല് ബദ്രിയ്യയുടെ ഇജാസത്ത് (ഗുരുവിൽ നിന്ന് നേരിട്ട് സ്വീകരിക്കുന്നത്) കാന്തപുരം ഉസ്താദിൽ നിന്നും നേരിട്ട് സ്വീകരിച്ചാണ് സമർപ്പണ സംഗമം സമാപിച്ചത്.
ചടങ്ങിൽ പ്രഭാഷണം നിർവഹിക്കുന്ന കൂറ്റമ്പാറ അബ്ദുറഹ്മാൻ ദാരിമി
അഞ്ച് വർഷത്തെ നീണ്ട ഇടവേളക്ക് ശേഷം ‘മജ്മഅ്’ 40ആം വാർഷിക പ്രഖ്യാപനത്തിനു സെന്റിനറി ഗാർഡ് സമർപ്പണത്തിനുമായി എത്തിയ കാന്തപുരത്തെ തക്ബീർ മുഴക്കിയാണ് വിദ്യാർഥികളും പൗരപ്രമുഖരും സ്വീകരിച്ചത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
