കറാച്ചി: പാകിസ്‌ഥാനിലെ കറാച്ചിയിൽ ഉണ്ടായ കാർ ബോംബ് സ്‌ഫോടനത്തിൽ നാല് പേർ മരിച്ചു. കൂടാതെ നിരവധി ആളുകൾക്ക് പരിക്ക് പറ്റിയതായാണ് വിവരം. പരിക്കേറ്റ് ചികിൽസയിൽ കഴിയുന്ന ആളുകളിൽ മൂന്ന് പേരുടെ ആരോഗ്യനില ഗുരുതരമാണ്.
കറാച്ചി സർവകലാശാലക്ക് സമീപമാണ് അപകടം ഉണ്ടായത്. ഇവിടുത്തെ ചൈനീസ് ഭാഷ പഠിപ്പിക്കുന്ന കൺഫീഷ്യസ് ഇൻസ്‌റ്റിറ്റ്യൂട്ടിന്റെ അതിർത്തിയിലാണ് സ്‍ഫോടനം ഉണ്ടായത്. കൂടാതെ അപകടത്തിൽ മരിച്ച ആളുകളിൽ മൂന്ന് പേർ വിദേശികളാണ്. ഹോസ്‌റ്റലിലേക്ക് പോവുകയായിരുന്ന മൂന്ന് ചൈനീസ് വിദ്യാർഥികളാണ് കൊല്ലപ്പെട്ടത്. സ്‍ഫോടനം നടന്ന വാഹനത്തിൽ ഏഴോ, എട്ടോ പേർ ഉണ്ടായിരുന്നതായാണ് വിവരം.
Read also: കാസർഗോഡ് നിന്ന് കന്നുകാലിക്കുടൽ കടത്തിയ കേസ്; രണ്ടുപേർ പിടിയിൽ
